హోమ్

హీరో

టాలీవుడ్ నేచురల్ స్టార్ నాని ఎలాంటి సినిమా చేసినా కూడా అందులో తన పాత్రతోనే మంచి ఎంటర్టైన్మెంట్ క్రియేట్ చేస్తుంటాడు. కథ ఎంత రొటీన్ గా ఉన్నా కూడా వీలైనంత వరకు నటనతోనే ప్రేక్షకులను థియేటర్స్ వరకు తీసుకొస్తుంటాడు. ఇక నాని కెరీర్ లో కమర్షియల్ రొటీన్ సినిమాలు తప్పితే పెద్దగా ప్రయోగాలు లేవనే కామెంట్స్ చాలానే వచ్చాయి.

ఇక నాని ఆ కామెంట్స్ కు కౌంటర్ ఇవ్వడానికి ప్రయత్నం చేస్తున్నట్లు అతని లైనప్ చూస్తేనే అర్ధమవుతోంది. టక్ జగదీష్ సినిమా ఫ్యామిలీ ఎంటర్టైనర్ గా తెరకెక్కిన విషయం తెలిసిందే. ఇక రాహుల్ సంకృత్యాన్ దర్శకత్వంలో చేస్తున్న శ్యామ్ సింగరాయ్ పిరియాడిక్ డ్రామాగా రూపొందుతోంది. అంటే.. సుందరానికి.. సినిమా కూడా డిఫరెంట్ కామెడీ ఎంటర్టైనర్ గా రానుంది.

ఈ సినిమాలన్నీ ఒకలా ఉంటే శ్రీకాంత్ అనే ఒక కొత్త దర్శకుడితో మొదలు పెట్టనున్న సినిమా మరొకాలా ఉంటుందట. మొదటిసారి పూర్తి స్థాయిలో తెలంగాణ యాసలో మాట్లాడే ఒక ఊర మాస్ పాత్రలో కనిపించబోతున్నట్లు తెలుస్తోంది. ఎలాగైనా ఈ విభిన్నమైన సినిమాలతో వరుసగ బాక్సాఫీస్ హిట్స్ అందుకోవాలని అనుకుంటున్నాడు.

చివరగా నాని V సినిమాతో భారీ డిజాస్టర్ అందుకున్న విషయం తెలిసిందే. అందుకే ఈసారి విభిన్నమైన లైనప్ తో ప్రేక్షకులను సరికొత్తగా ఆకట్టుకోవలనే ఆలోచనతో వెళుతున్నాడు. మరి రాబోయే ఈ నాలుగు సినిమాలతో నేచురల్ స్టార్ తన మార్కెట్ ను ఏ స్థాయిలో పెంచుకుంటాడో చూడాలి.