హోమ్

హీరో

నాటకం సినిమాతో హీరోయిన్ అశిమా నర్వాల్, హీరో అశీష్ గాంధీ ఎంతగా ఫేమస్ అయ్యారో అందరికీ తెలిసిందే. బోల్డ్‌గా కనిపించడమే కాదు.. అంతకుమించి అనేలా నటించి అందరినీ ఆకట్టుకున్నారు. అయితే అలా బోల్డ్ చిత్రాల్లో నటించడంతో సోషల్ మీడియాలో ఈ ఇద్దరికి మంచి పాపులారిటీ వచ్చింది. అయితే ఆశీమా నర్వాల్, ఆశీష్ గాంధీ ఇద్దరి కెరీర్ కూడా కాస్త నెమ్మదిగానే సాగుతోన్నట్టు కనిపిస్తోంది. ఈ మధ్యే అశీమా నటించిన ఓ వెబ్ సిరీస్ వచ్చింది.

ఇక అశీష్ గాంధీ తన కొత్త సినిమాకు సంబంధించిన అప్డేట్ ఇచ్చాడు. అదిరిపోయే లుక్కులో కనిపించి అందరినీ ఆశ్చర్యానికి గురి చేశాడు. విజన్ సినిమాస్ పతాకంపై ప్రొడక్షన్ నెంబర్ 3 గా తెరకెక్కుతున్న ఈ సినిమాని ప్రముఖ వ్యాపారవేత్త నాగం తిరుపతి రెడ్డి నిర్మిస్తున్నారు. తిరుమల రెడ్డి సహా నిర్మాతగా ఉండగా, మణికాంత్ కూర్పుని అందిస్తున్నారు. బాల్ రెడ్డి సినిమాటోగ్రఫీ అందిస్తున్నారు. నాటకం ఫేమ్ కళ్యాణ్ జి గోగణ దర్శకత్వంలో ఈ మూవీ రాబోతోంది. యాక్షన్ ఎంటర్‌టైనర్‌గా తెరకెక్కుతున్న ఈ సినిమా ఏప్రిల్ రెండో వారంలో భారీ తారాగణంతో షూటింగ్‌కి వెళ్లబోతుందట... మొత్తంగా ఈ సినిమా లో మూడు డిఫరెంట్ పాత్రలు పోషిస్తుండగా తాజాగా పోలీస్ పాత్రకు సంబంధించి ఫస్ట్ లుక్ రిలీజ్ అయ్యింది.

ఈ సందర్భంగా నిర్మాత నాగం తిరుపతి రెడ్డి మాట్లాడుతూ.. విజన్ సినిమాస్ పతాకంపై ప్రొడక్షన్ నెంబర్ 3 గా ఈ సినిమా తెరకెక్కుతుంది. దర్శకుడు చెప్పిన కథ చాలా బాగుంది. ఈ కథకి హీరోగా అశిష్ గాంధీ మాత్రమే సూట్ అవుతాడనిపించింది. ఇటీవలే జరిపిన ఫోటోషూట్ లో మూడు డిఫరెంట్ పాత్రలకు అశీష్ గాంధీ చాల బాగా సూట్ అయ్యాడు. మా బ్యానర్ నుండి రాబోతున్న ఈ సినిమా అందరికి మంచి ఎక్స్‌పీరియన్స్ ఇస్తుంది. ఏప్రిల్ రెండో వారంలో షూటింగ్ వెళ్ళబోతున్నాం. పూర్తి వివరాలు త్వరలోనే వెల్లడిస్తామని అన్నాడు.