Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
యంగ్ హీరోతో మహేశ్ బాబు సినిమా: త్వరలోనే అధికారిక ప్రకటన
కొన్నేళ్లుగా వరుస విజయాలతో దూసుకుపోతున్నాడు సూపర్ స్టార్ మహేశ్ బాబు. హీరోగా ఫుల్ ఫామ్లో ఉన్న అతడు.. పలు వ్యాపారాలనూ ప్రారంభించాడు. ఇప్పటికే ఏఎంబీ పేరిట హైదరాబాద్లో థియేటర్ ఓపెన్ చేసిన ఈ స్టార్ హీరో... జీ మహేశ్ బాబు ఎంటర్టైన్మెంట్ అనే ప్రొడక్షన్ హౌస్ను కూడా మొదలు పెట్టాడు. ఇప్పటికే ఇందులో 'మేజర్' అనే సినిమాను ప్రకటించాడు. అడవి శేష్ హీరోగా ముంబైలో జరిగిన ఉగ్రదాడుల్లో వీర మరణం పొందిన మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కుతోన్న ఈ చిత్రానికి శశికిరణ్ తిక్క దర్శకుడు.
'మేజర్' పట్టాలపై ఉండగానే... 'ఏజెంట్ సాయి శ్రీనివాస్ ఆత్రేయ' అనే సినిమాతో టాలీవుడ్ మొత్తానికి చర్చనీయాంశంగా మారిపోయిన నవీన్ పోలిశెట్టితో మరో ప్రాజెక్టును లైన్లో పెట్టేశాడట సూపర్ స్టార్ మహేశ్ బాబు. తన సొంత నిర్మాణ సంస్థ జీ మహేశ్ బాబు ఎంటర్టైన్మెంట్ బ్యానర్పై నిర్మించే ఈ చిత్రాన్ని కొత్త దర్శకుడు తెరకెక్కించనున్నట్లు తెలుస్తోంది. దీనికి సంబంధించిన అధికారిక ప్రకటన కొద్ది రోజుల్లో వెలువడనున్నట్లు ప్రచారం జరుగుతోంది. ఈ సినిమా కామెడీ ఎంటర్టైనర్గా రూపొందనున్నట్లు వార్తలు వస్తున్నాయి.
'భరత్ అనే నేను', 'మహర్షి', 'సరిలేరు నీకెవ్వరు' వంటి హ్యాట్రిక్ విజయాలతో దూసుకుపోతున్నాడు సూపర్ స్టార్ మహేశ్ బాబు. ఈ క్రమంలోనే ప్రస్తుతం అతడు పరశురాం దర్శకత్వంలో 'సర్కారు వారి పాట' అనే సినిమా చేస్తున్నాడు. ఇటీవలే పూజా కార్యక్రమాలు పూర్తి చేసుకున్న ఈ మూవీ షూటింగ్ జనవరి నుంచి ప్రారంభం కాబోతుంది. బ్యాంకులను మోసం చేసి విదేశాలకు పారిపోతోన్న వ్యాపారవేత్తలను ఇందులో టార్గెట్ చేయబోతున్నారని తెలుస్తోంది. ఈ సినిమాలో కీర్తి సురేష్ హీరోయిన్గా చేస్తోంది.