Nithiin30 అప్డేట్.. హైప్ పెంచేస్తోన్న నితిన్

ప్రస్తుతం నితిన్ ఎంత బిజీగా ఉన్నాడో అందరికీ తెలిసిందే. ఆల్రెడీ ఓ సినిమా విడుదలకు సిద్దంగా ఉంది. నితిన్ చంద్ర శేఖర్ యేలేటి కాంబోలో వస్తోన్న చెక్ సినిమా వచ్చే వారం విడుదల కానుంది. ఆ మూవీ ప్రమోషన్ కార్యక్రమాల్లో తలమునకలై నితిన్ బిజీగా ఉన్నాడు. అయితే తాజాగా మరో మూవీ అప్డేట్ ఇచ్చి అభిమానుల్లో ఉత్సాహాన్ని నింపేందుకు సిద్దమయ్యాడు.

నితిన్ రంగ్ దే సినిమా ఆల్రెడీ షూటింగ్ పూర్తి చేసుకుంది. సమ్మర్ కానుకగా ఈ మూవీ విడుదల కాబోతోంది. అలా చెక్, రంగ్ దే సినిమా అప్డేట్లు వచ్చేశాయి. ఇక నితిన్ సెట్స్ మీదున్న సినిమాల్లో అంధాదున్ ఒకటి. ఆ సినిమా షూటింగ్ దుబాయ్‌లో ప్రారంభమైందని అప్పట్లో ఓ అప్డేట్ ఇచ్చారు. మళ్లీ ఇంత వరకు దాని ఊసే లేకుండా పోయింది. మళ్లీ ఇన్ని రోజులకు అంధాదున్ రీమేక్ అప్డేట్ రాబోతోందని ప్రకటించారు.

నితిన్ 30వ సినిమాకు సంబంధించిన అప్డేట్ రాబోతోందని ప్రకటించారు. రేపు ఉదయం 8 గంటల 46 నిమిషాలకు అప్డేట్ రాబోతోందని చెప్పేశారు. అయితే సినిమా టైటిల్ అండ్ ఫస్ట్ లుక్‌ను విడుదల చేయబోతోన్నారని కొందరు.. విడుదల తేదిని ప్రకటిస్తారని ఇంకొందరు కామెంట్లు చేస్తున్నారు. మేర్లపాక గాంధీ దర్శకత్వంలో రాబోతోన్న ఈ చిత్రంలో నభా నటేష్,తమన్నాలు నటిస్తున్నారు. శ్రేష్ట మూవీస్ బ్యానర్‌లో నిఖితా రెడ్డి, సుధాకర్ రెడ్డి ఈ సినిమాను నిర్మిస్తున్నారు.