ఐటంలా ఉండదు: ‘అరవింద సమేత’లో సిక్స్ ప్యాక్ బాడీపై ఎన్టీఆర్

అప్పుడే ఆ ఆలోచన వచ్చింది

ఎన్టీఆర్ ఎక్సర్‌సైజ్ చేస్తుంటే చూసినపుడు నాకు ఈ థాట్ వచ్చింది. ఫిట్‌గా ఉందామనే ఉద్దేశ్యంతో ఎన్టీఆర్ ముందు ఎక్సర్ సైజ్ మొదలు పెట్టారు. ప్రత్యేకంగా ట్రైనర్‌ను పెట్టుకుని ఆర్గానిక్‌గా ఎలాంటి సప్లిమెంట్స్, మందులు వాడకుండా ప్రయత్నిస్తున్నాడు. మూడు నాలుగు నెలలు చాలా కష్టపడ్డాడు. ఆ సమయంలో ఆయన్ను చూసినపుడు నాకు ఈ ఆలోచన వచ్చింది అని త్రివిక్రమ్ అన్నారు.

ఐటంలా చేద్దామనే ఉద్దేశ్యం లేదు

సిక్స్ ప్యాక్ బాడీ వాడటానికి మనకు ఒక సన్నివేశం కూడా ఉంది కాబట్టి దాన్ని అండర్ లైన్ చేయాలనిపించింది. అంతే కానీ దాన్నొక ఐటం చేద్దామనే ఉద్దేశ్యం అయితే కాదు అని త్రివిక్రమ్ అన్నారు. ఎన్టీఆర్ రియాక్ట్ అవుతూ అదొక ఐటం లా ఉండదు, సినిమాలో చూసిన కూడా చాలా నేచురల్ గా కనిపిస్తుంది... అన్నారు.

బలవంతంగా బాడీ చూపిస్తున్నట్లు ఉండకూడదు

సిక్స్ ప్యాక్ బాడీ కనిపించే సీన్ రామ్ లక్ష్మణ్ మాస్టర్స్ ఆధ్వర్యంలో త్రివిక్రమ్ చాలా గొప్పగా డిజైన్ చేయించారు. బలవంతంగా బాడీ చూపిస్తున్నాడు అనే విధంగా ఉండకూడదు. చాలా ఎమోషనల్ సీక్వెన్స్‌లో ఈ సీన్ వస్తుంది. చాలా నేచురల్‌గా ఫ్లో అవ్వాలి. మేము అనుకున్న విధంగా చాలా బాగా సీన్ వచ్చింది.. అని ఎన్టీఆర్ తెలిపారు.

అలా అయితే మాకూ ఇబ్బందే

ఒక్కోసారి ఇలాంటి సీన్లు చేసినపుడు అన్ కంఫర్టబుల్ అయిపోతాం. ఇదేంటి కావాలని బాడీ చూపిస్తున్నామా? అనేలా ఉండకుండా జాగ్రత్త పడతాం. వీడు బాడీ చూపిస్తున్నాడు అనే ఫీలింగ్ ప్రేక్షకులకు రాకుండా జాగ్రత్తపడాలి. ప్రేక్షకుల్లో అలాంటి ఫీలింగ్ వస్తే మాకూ ఇబ్బందిగానే ఉంటుంది అని ఎన్టీఆర్ తెలిపారు.

కండలు ఉన్నాయని ఫోజులు కొట్టలేదు

ఒక వ్యక్తి ఎమోషనల్‌గా వెళుతున్నాడు. పైన చొక్కాలేదు. చొక్కా ఒకటే లేదు కానీ ఆ ఎమోషనల్ అలాగే కంటిన్యూ అవుతూ సీన్ తీసుకొచ్చారు. అంతే కానీ నా కండలు ఇలా ఉన్నాయి, ఇది ఇలా ఉంది అని ఫోజులు కొట్టే విధంగా అయితే ఉండదు... అని ఎన్టీఆర్ స్పష్టం చేశారు.