మెగాస్టార్ రేంజ్ అంటే అదిరా.. దేశ అగ్ర నేతలను కూడా పట్టించుకోలేదు, మెగాస్టార్ ఒక్కడికే జెట్ స్పీడ్ ఆన్సర్

పీవీ సింధు సరికొత్త రికార్డు..

ఇటీవల ఇండియన్ బ్యాడ్మింటన్ ప్లేయర్ పీవీ సింధు రియో, టోక్యో ఒలింపిక్‌లో అద్భుతమైన ప్రదర్శనతో అందరి మనసులను గెలుచుకున్న విషయం తెలిసిందే. చైనా క్రీడాకారిణి మీద పైచేయి సాధించి కాంస్యాన్ని గెలుచుకుంది. ఒలింపిక్ చరిత్రలో వరుసగా రెండు సార్లు పతకాలు గెలిచిన మొట్టమొదటి భారతీయ మహిళగా పీవీ సింధు సరికొత్త రికార్డును అందుకోవడం విశేషం.

మెగాస్టార్ చిరంజీవి కూడా

ఈ సరికొత్త రికార్డు అందుకోవడంతో దేశవ్యాప్తంగా ఆమెకు ప్రశంసలు అందుతున్నాయి. పీవీ సింధు రజతం, కాంస్యాన్ని సొంతం చేసుకున్న సందర్భంగా పీఎం నరేంద్ర మోదీ నుంచి అన్ని రాష్ట్ర సీఎంల వరకు అందరు కూడా ప్రత్యేకంగా అభినందించారు. అందులో మెగాస్టార్ చిరంజీవి కూడా ఉన్నారు.

మా మహిళా శక్తిని ఎవరు ఆపలేరు

మెగాస్టార్ చిరంజీవి పీవీ సింధుకు తనదైన శైలిలో శుభాకాంక్షలు తెలిపారు. పతకం గెలుచుకున్నందుకు అలాగే వరుసగా రెండుసార్లు ఒలింపిక్ పతకం సాధించిన మొదటి భారతీయ మహిళగా కూడా చరిత్ర సృష్టించినందుకు పీవీ సింధుకు ప్రత్యేకంగా అభినందనలు తెలియజేస్తున్నాను. ఇప్పటివరకు గెలిచిన రెండు పతకాలు భారతీయ మహిళలే కావడం సంతోషంగా ఉంది. మా మహిళా శక్తిని ఎవరు ఆపలేరు. మీరు భారతదేశాన్ని గర్వపడేలా చేసారు. అంటూ మెగాస్టార్ ట్వీట్ చేశారు.

ఎంతో స్ఫూర్తివంతురాలు

అయితే ఎంతోమంది దేశాధినేతలు ముఖ్యమంత్రులు సైతం వారి ప్లేయర్స్ కు అభినందనలు తెలుపుతున్న క్రమంలో ముందుగా మెగాస్టార్ చేసిన ట్వీట్ కు ఒలింపిక్ అధికారిక ట్విట్టర్ హ్యాండిల్ జెట్ స్పీడ్ లో సమాధానం ఇవ్వడం విశేషం. పీవీ సింధు ఎంతో స్ఫూర్తివంతురాలు అంటూ సమాధానం ఇవ్వడం అభిమానులకు మంచి కిక్కిస్తోంది..

Recommended Video

Megastar Chiranjeevi, Vijayashanti బ్లాక్ బస్టర్స్ కి కేర్ ఆఫ్ అడ్రస్ || Filmibeat Telugu

మెగాస్టార్ రేంజ్ అంటే అదిరా

నెగిటివ్ కామెంట్ చేసేవాళ్ళకి మెగాస్టార్ రేంజ్ అంటే అదిరా అని మరికొందరు కామెంట్ చేస్తున్నారు. ఆ ట్వీట్ నిమిషాల్లోనే సోషల్ మీడియాలో వైరల్ అయ్యింది. ఇక మెగాస్టార్ చిరంజీవి ప్రస్తుతం ఆచార్య సినిమాతో ప్రేక్షకుల ముందికు రావడానికి సిద్ధంగా ఉన్న విషయం తెలిసిందే. అనంతరం బాబీ దర్శకత్వంలో మరొక సినిమాను స్టార్ట్ చేయబోతున్నాడు. అలాగే లూసిఫర్ రీమేక్ ను కూడా త్వరలోనే సెట్స్ పైకి తేనున్నాడు.