ఆ క్షణంలో చిరంజీవి పిస్టల్‌తో కాల్చుకొని.. సూసైడ్ చేసుకొవాలనుకొన్నా.. పవన్ కల్యాణ్

ఇంటర్ ఫెయిల్ అయినప్పుడు

నేను ఇంటర్మీడియెట్ పరీక్షల్లో ఫెయిల్ కావడం చాలా మానసిక క్షోభకు గురిచేసింది. ఆ సమయంలో అన్నయ్య లైసెన్స్‌డ్ పిస్టల్‌తో కాల్చుకోవాలనుకొని ప్రాణాలు తీసుకోవాలనుకొన్నాను. ఆ పరిస్థితిలో అంత దారుణంగా మానసిక స్థితి ఉండేది. నా డిప్రెషన్ చూసి అన్నయ్య మంచి మాటలు చెప్పారు అని పవన్ గుర్తు చేసుకొన్నారు.

డిప్రెషన్‌లోకి వెళ్లొద్దని.. అన్నయ్య

ఇంటర్మీడియెట్ ఫెయిల్ కావడం పెద్ద సమస్య కాదు. ఫెయిల్ అయితే మరోసారి పాస్ కావొచ్చు. దానికి డిప్రెషన్‌లోకి వెళ్లొద్దు. నాగబాబుతో ఏదో చెబుతూ ముందు నీవు బతకాలి. ఇలా కాకపోతే మరోలా చదువుకో. అలా అన్నయ్య చెప్పిన మాటలు నాకు కొండంత ఊపిరినిచ్చాయి అని పవన్ చెప్పారు.

కిందా మీద పడి ఇలా

అలా అన్నయ్య చెప్పిన మాటలను స్ఫూర్తిగా తీసుకొని కిందా మీద పడి ఇలా మీ ముందు ఏదో ఒక హోదాలో ఉన్నాను. నా జీవితాన్ని మలుపు తిప్పిన సందర్భాలకు కారణం చిరంజీవి గారే. ఇలాంటి అన్నయ్య ఉంటే తెలంగాణలో ఇంటర్ పరీక్షలు తప్పిన 20 మంది విద్యార్థులు ఆత్మహత్యలకు పాల్పడేవారు కాదేమో అని పవన్ ఎమోషనల్ అయ్యారు.

సురేఖ వదినతో కూడా

చిరంజీవి చెప్పిన పలు సందర్బాల్లో చెప్పిన మాటలతోనే తాను తన లక్ష్యాన్ని మార్చుకొన్నాను. యాక్టింగ్ కెరీర్ తొలినాళ్లలో కెమెరా ముందు సిగ్గుపడిపోయే వాడిని. ఓ సారి సుస్వాగతం షూటింగ్ సమయంలో విశాఖపట్నంలో బస్‌పై భాగాన డ్యాన్స్ చేసే సీన్ షూటింగ్ సందర్భంగా సిగ్గుతో చేయలేకపోయాను. వందలాది మంది చూస్తుండగా చేయలేనని వదిన సురేఖ గారికి చెప్పి.. నేను యాక్టింగ్ సరికాదని, ఏమి చేయలేని స్థితిలో జీవితాన్ని ముగిస్తానని అని అన్నాననే విషయాన్ని గతంలో కూడా చెప్పిన సంగతి తెలిసిందే.