Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Vakeel Saab Teaser: ఆరో స్థానంతో సరిపెట్టుకున్న పవన్.. అందులో మాత్రం రెండో ప్లేస్
రాజకీయాల కోసం సినిమాలకు బ్రేక్ ఇచ్చాడు పవర్ స్టార్ పవన్ కల్యాణ్. సుదీర్ఘ విరామం తర్వాత 'వకీల్ సాబ్' అనే మూవీతో అతడు రీఎంట్రీ ఇస్తున్నాడు. ఎంతో ప్రతిష్టాత్మకంగా రూపొందుతోన్న ఈ సినిమాను వేణు శ్రీరామ్ తెరకెక్కిస్తున్నాడు. అలాగే, దిల్ రాజు, బోనీ కపూర్ సంయుక్తంగా దీన్ని నిర్మిస్తున్నారు. ఇటీవలే షూటింగ్ పూర్తి చేసుకున్న ఈ సినిమా టీజర్ను సంక్రాంతి కానుకగా విడుదల చేశారు. చాలా కాలం తర్వాత పవన్ కల్యాణ్ వీడియో రిలీజ్ అవడంతో దీనికి అన్ని వర్గాల నుంచి మంచి స్పందన వచ్చింది. ఫలితంగా ఈ టీజర్ సోషల్ మీడియాలో ట్రెండ్ అయింది.
ఇక, 'వకీల్ సాబ్' టీజర్ లెక్కలు చూస్తే... 24 గంట్లలో ఇది 8.57 మిలియన్ వ్యూస్ సాధించింది. తద్వారా టాలీవుడ్లో ఎక్కువ మంది వీక్షించిన టీజర్ల జాబితాలో ఆరో స్థానంలో నిలిచింది. దీని కంటే ముందు 'సరిలేరు నీకెవ్వరు' 14.64 మిలియన్ వ్యూస్తో మొదటి స్థానంలోనూ.. 'రామరాజు ఫర్ భీం' 14.14 మిలియన్ వ్యూస్తో రెండో స్థానంలో నిలిచాయి. అలాగే, 'సాహో' 12.94 మిలియన్ వ్యూస్తో మూడో స్థానంలో, 'మహర్షి' 11.14 మిలియన్ వ్యూస్తో నాలుగో స్థానంలో, 'భరత్ అనే నేను' 8.67 మిలియన్ వ్యూస్తో ఐదో స్థానంలో ఉన్నాయి. వీటి తర్వాత పవన్ టీజర్ ఉంది.
లైకుల పరంగా చూసుకుంటే.. 24 గంటల్లో 'రామరాజు ఫర్ భీం' 94 లక్షల పైచిలుకు లైకులు సాధించి మొదటి స్థానంలో నిలవగా.. 77 లక్షలు పైచిలుకు లైకులతో 'వకీల్ సాబ్' టీజర్ రెండో స్థానానికి చేరుకుంది. వీటి తర్వాత 'భీమ్ ఫర్ రామరాజు', 'సాహో' తదితర చిత్రాల టీజర్లు ఉన్నాయి. ఇదిలా ఉండగా, 'వకీల్ సాబ్'లో నివేదా థామస్, అంజలి, అనన్య హీరోయిన్లుగా నటిస్తున్నారు.