Click it and Unblock the Notifications
Prabhas ఫ్యాన్స్కు పండుగే పండగ.. సలార్కు దిమ్మతిరిగే బిజినెస్.. మూవీ రిలీజ్ డేట్ ఎప్పుడంటే?
యంగ్ రెబల్ స్టార్ ప్రభాస్, సెన్సేషన్ డైరెక్టర్ ప్రశాంత్ నీల్ కాంబినేషన్లో తెరకెక్కుతున్న చిత్రం సలార్పై భారీ అంచనాలు నెలకొన్నాయి. ఈ సినిమా టీజర్లు, ట్రైలర్లు భారీ క్రేజ్ను, బజ్ను క్రియేట్ చేశాయి. అయితే ఈ సినిమా సాంకేతిక కారణాల వల్ల వాయిదా పడటంతో ఫ్యాన్స్ నిరాశ, నిరుత్సాహానికి గురయ్యారు. అయితే సలార్ సినిమా రిలీజ్ ఎప్పుడెప్పుడా అని ఎదురు చూస్తున్న ప్రభాస్ అభిమానులకు పండగ లాంటి వార్తను చెప్పడానికి సిద్దమవుతున్నారు. ఈ వార్త వివరాల్లోకి వెళితే..
సలార్ చిత్రం వాస్తవానికి సెప్టెంబర్ 28వ తేదీన రిలీజ్ కావాల్సింది. ఈ సినిమా కోసం ఓవర్సీస్లో అడ్వాన్స్ బుకింగ్ కూడా మొదలుపెట్టారు. ఈ సినిమా అడ్వాన్స్ బుకింగ్ రికార్డు లెవెల్లో టికెట్లు అమ్ముడుపోయాయి. దాదాపు ఈ సినిమా అడ్వాన్స్ బుకింగ్ రూపంలో ఉత్తర అమెరికాలో 600K డాలర్లు అంటే.. సుమారు 5 కోట్ల రూపాయాలు వసూలు చేసింది.
అయితే సలార్ సినిమా వాయిదాపడటంతో క్రేజీగా జరగాల్సిన ప్రీ రిలీజ్ బిజినెస్ వాయిదా పడింది. అయితే ఈ సినిమా బిజినెస్ ప్రస్తుతం జోరుగా సాగుతున్నది. సలార్ సినిమా ఉత్తర అమెరికా థియేట్రికల్ రైట్స్ ఫ్యాన్సీ రేటు చెల్లించి సొంతం చేసుకొన్నారనే వార్త వైరల్ అయింది.
అమెరికా, కెనడాకు సంబంధించిన సలార్ థియేట్రికల్ హక్కులు భారీ రేటుకు అమ్ముడుపోయాయి. ఈ సినిమా హక్కులను 4.4 మిలియన్ డాలర్లు అంటే.. 36 కోట్ల రూపాయలు చెల్లించి ప్రముఖ డిస్ట్రిబ్యూషన్ సంస్థ సొంతం చేసుకొన్నది. దాంతో ఈ సినిమా ఉత్తర అమెరికాలో బ్రేక్ ఈవెన్ సాధించాలంటే కనీసం 9 మిలియన్లు అంటే.. 75 కోట్ల రూపాయలు వసూలు చేయాల్సి ఉంటుంది అని ట్రేడ్ వర్గాలు వెల్లడించాయి.
ఇక భారీగా ప్రీ రిలీజ్ బిజినెస్ జరుపుకొంటున్న సలార్ సినిమా రిలీజ్ ఎప్పుడనే విషయంపై యూనిట్ క్లారిటీ ఇచ్చేందుకు రెడీ అవుతున్నది. ఈ సినిమాను జనవరి 2024 సంవత్సరంలో సంక్రాంతి కానుకగా రిలీజ్ చేయాలని ప్లాన్ చేస్తున్నారు. సంక్రాంతి బరిలో సలార్ దిగితే ప్రభాస్ ఫ్యాన్స్ పండుగ వాతావరణమే ఉంటుందని ట్రేడ్ వర్గాలు వెల్లడించాయి.
Continue with Google