twitter
    For Quick Alerts
    ALLOW NOTIFICATIONS  
    For Daily Alerts

    ‘సాహో’ కౌంట్ డౌన్... హే డార్లింగ్స్ అంటూ కిర్రాక్ ఫోటో షేర్ చేసిన ప్రభాస్!

    |

    ప్రభాస్ అభిమానులు ఎంత ఆకలిగా ఉన్నారంటే... వారు తమ అభిమాన హీరో నుంచి విందు భోజనం లాంటి సినిమా చూసి రెండేళ్లు దాటిపోయింది. 'బాహుబలి 2' తర్వాత యంగ్ రెబల్ స్టార్ సినిమా కోసం ఫ్యాన్స్ ఆతృతగా ఎదురు చూస్తున్నారు. అయితే ఆ రోజు ఎంతో దూరంలో లేదు. ఆగస్టు 15న 'సాహో' విడుదలకు సిద్దమవుతోంది.

    జూన్ 13న ఉదయం 11.23 గంటలకు టీజర్ విడుదలతో సినిమా ప్రమోషన్స్ ఊపందుకోనున్నాయి. టీజర్ రిలీజ్ డేట్ గుర్తు చేస్తూ ప్రభాస్ తన ఇన్‌స్టాగ్రామ్ పేజీ ద్వారా కిర్రాక్ ఫోటో షేర్ చేశారు. యాక్షన్ ఎపిసోడ్ మధ్యలో నుంచి ప్రభాస్ స్పోర్ట్స్ బైక్‌పై దూసుకొస్తున్న ఈ పవర్ ఫుల్ పిక్ అభిమానులకు కనువిందు చేస్తోంది.

    Prabhas new blasting look from Saaho

    'హే డార్లింగ్స్... మరొక్క రోజు మాత్రమే. 'సాహో' ప్రపంచంలో రైడ్ చేయడానికి సిద్దంగా ఉన్నారా? రేపు ఉదయం 11.23 గంటలకు టీజర్ విడుదల కాబోతోంది అంటూ ఇన్‌స్టా గ్రామ్ పేజీలో పోస్ట్ షేర్ చేశారు. దీనికి అభిమానుల నుంచి అద్భుతమైన రెస్పాన్స్ వస్తోంది.

    'సాహో' మూవీ విషయానికిస్తే.... సుజీత్ దర్శకత్వం వహిస్తుండా రూ. 300 కోట్ల భారీ బడ్జెట్‌తో యూవి క్రియేషన్స్ వారు నిర్మిస్తున్నారు. ప్రస్తుతం పోస్టట్ ప్రొడక్షన్ పనులు శర వేగంగా జరుగుతున్నాయి. ఇండియన్ సినిమా హిస్టరీలోనే బిగ్గెస్ట్ యాక్షన్ మూవీగా ఇది ఉండబోతోంది.

    'సాహో' బడ్జెట్లో ఎక్కువ శాతం(రూ. 90 కోట్లు) యాక్షన్ సన్నివేశాల చిత్రీకరణ కోసమే ఖర్చు చేశారు. అబుదాబిలో 60 రోజుల పాటు చిత్రీకరించిన భారీ యాక్షన్ సీక్వెన్స్ సినిమా మొత్తానికే హైలెట్ కాబోతోంది. ప్రభాస్ సరసన శ్రద్ధా కపూర్ హీరోయిన్‌గా నటిస్తుండగా... నీల్ నితిన్ ముఖేష్, అరుణ్ విజయ్, జాకీ ష్రాఫ్, మందిరా బేడీ, వెన్నెల కిషోర్, ఎవలీన్ శర్మ, మురళీ శర్మ, ఆదిత్య శ్రీవాస్తవ ముఖ్య పాత్రలు పోషిస్తున్నారు.

    English summary
    "Hey Darlings… Only 1 Day to go, are you ready to ride into the world of Saaho? ‪#SaahoTeaser out tomorrow at 11.23 AM!" Prabhas shared a pic.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X