నా ఎక్స్ గర్ల్ ఫ్రెండ్ ఆవిడే: ప్రభాస్ నోట తొలిసారి ఆ మాట...

నా ఎక్స్ గర్ల్ ఫ్రెండ్ ఆవిడే: ప్రభాస్ నోట తొలిసారి ఆ మాట...

ప్రభాస్ నోట తొసారిగా గర్ల్ ఫ్రెండ్ అనే మాట వచ్చింది. ‘సాహో' ప్రమోషన్లో భాగంగా ప్రభాస్ ‘నచ్ బలియే 9' అనే హిందీ డాన్స్ రియాలిటీ షోలో పాల్గొన్నారు. ఈ సందర్భంగా షోలో జడ్జిగా ఉన్న రవీనా టండన్ గురించి ఆసక్తికర వ్యాఖ్యలు చేశారు. ఆమె నా ఎక్స్ గర్ల్‌ఫ్రెండ్ అంటూ వ్యాఖ్యానించారు.

ప్రభాస్‌కు ఆమె అంటే చిన్నతనం నంచి క్రష్

రవీనా టండన్ హీరోయిన్‌గా ఓ వెలుగు వెలిగిన రోజుల్లో తెలుగులో పలు చిత్రాల్లో నటించిన సంగతి తెలిసిందే. చిన్న వయసులో ఆమెను సినిమాల్లో చూసినపుడు క్రష్ ఉండేదని, అందుకే ఆమెను తన ఎక్స్‌గర్ల్ ఫ్రెండ్ అని వ్యాఖ్యానించినట్లు ప్రభాస్ తెలిపారు. అంతే కాదు ఈ డాన్స్ రియాలిటీ షోలో ఓ పాటకు రవీనా టండన్‌తో కలిసి స్పెప్స్ కూడా వేశారు యంగ్ రెబల్ స్టార్.

సాహో మూవీకి, రవీనా టండన్ భర్తకు లింక్

ఇటీవల రామోజీ‌ఫిల్మ్ సిటీలో జరిగిన ‘సాహో' ప్రీ రిలీజ్ ఈవెంటులో అనిల్ థడాని గురించి ప్రభాస్ ప్రత్యేకంగా చెప్పారు. ఆయన ఎవరో కాదు ‘సాహో' సినిమా బాలీవుడ్ డిస్ట్రిబ్యూటర్. ‘సాహో' షూటింగ్ మొదలైన మొదటి రోజు నుంచి అనిల్ థడాని చిత్ర బృందానికి చాలా హెల్ప్ చేశారట. అనిల్ థడాని... రవీనా టండన్ భర్త కూడా. 2004లో వీరి వివాహం జరిగింది. ఈ దంపతులకు నలుగురు సంతానం.

సాహో

సాహో మూవీ విషయానికొస్తే.... ఈ చిత్రాన్ని రూ. 350 కోట్ల బడ్జెట్‌తో యూవి క్రియేషన్స్ వారు రూపొందించారు. ప్రభాస్, శ్రద్ధా కపూర్, జాకీ ష్రాఫ్, నీల్ నితిన్ ముఖేష్, అరుణ్ విజయ్, చుంకీ పాండే, ఎవలీన్ శర్మ, మందిరా బేడీ తదితరులు ముఖ్య పాత్రలు పోషిస్తున్న ఈ ఇండియన్ బిగ్గెస్ట్ యాక్షన్ స్పై థ్రిల్లర్ ఆగస్టు 30న ప్రేక్షకుల ముందుకు రాబోతోంది.