హాట్ టాపిక్: నాగ్ సినిమాకు ప్రభాస్ రెమ్యూనరేషన్ అంతా.. టాలీవుడ్ హిస్టరీలో ఇదే ఫస్ట్ టైం.!

ఇక్కడ తక్కువే.. అక్కడ మాత్రం భారీ స్థాయిలో

‘బాహుబలి' వంటి సూపర్ హిట్ సిరీస్ తర్వాత ప్రభాస్ నటించిన చిత్రం ‘సాహో'. యంగ్ డైరెక్టర్ సుజిత్ తెరకెక్కించిన ఈ సినిమా గత ఏడాది విడుదలైంది. ఎన్నో అంచనాలతో ప్రేక్షకుల ముందుకు వచ్చిన ఈ మూవీ నిరాశనే మిగిల్చింది. తెలుగులో అంతగా ఆకట్టుకోలేకపోయినప్పటికీ.. హిందీలో మాత్రం సత్తా చాటింది. అక్కడ భారీ స్థాయిలో కలెక్షన్లు రాబట్టిందీ సినిమా.

ఇప్పటి వరకు కనిపించని పాత్రలో ప్రభాస్

యంగ్ రెబెల్ స్టార్ ప్రభాస్ ప్రస్తుతం రాధాకృష్ణ తెరకెక్కిస్తోన్న సినిమాలో నటిస్తున్నాడు. ఈ సినిమాలో అతడు ఇప్పటి వరకు కనిపించిన సరికొత్త పాత్రను పోషిస్తున్నాడని ప్రచారం జరుగుతోంది. గోపీకృష్ణ బ్యానర్, యూవీ క్రియేషన్స్ సంయుక్తంగా నిర్మిస్తున్న ఈ సినిమాలో పూజా హెగ్డే హీరోయిన్‌గా చేస్తోంది. ఈ సినిమా రొమాంటిక్ లవ్ ఎంటర్‌టైనర్‌గా రాబోతుంది.

ఎన్నో బయటకు వచ్చాయి.. క్లారిటీ మాత్రం లేదు

ఎంతో ప్రతిష్టాత్మకంగా రూపొందుతోన్న ఈ సినిమాకు సంబంధించిన ఎన్నో వార్తలు ఇండస్ట్రీ వర్గాల్లో చక్కర్లు కొడుతున్నాయి. ఇందులో పలానా ఆర్టిస్టులు నటిస్తున్నారని, ఈ సినిమాలో ప్రభాస్ రోల్ ఇదే అని ఇలా ఎన్నో వార్తలు ప్రచారం అవుతున్నాయి. అయితే, దేని విషయంలోనూ క్లారిటీ మాత్రం రావడం లేదు. మరోవైపు ఈ మూవీకి ‘ఓ డియర్' అనే టైటిల్ పరిశీలనలో ఉంది.

నాగ్ అశ్విన్‌తో సినిమా.. పాన్ వరల్డ్ లెవెల్

ప్రస్తుతం ‘ఓ డియర్'లో నటిస్తున్న ప్రభాస్.. తన తదుపరి సినిమాను ఇటీవలే ప్రకటించాడు. ‘మహానటి'తో దేశ వ్యాప్తంగా గుర్తింపును దక్కించుకున్న నాగ్ అశ్విన్‌ ఈ సినిమాను తెరకెక్కించనున్నాడు. పాన్ వరల్డ్ లెవె‌ల్‌లో భారీ స్థాయిలో రూపొందనున్న ఈ సినిమాను వైజయంతీ మూవీస్ సంస్థ అధినేత అశ్వనీదత్ నిర్మిస్తున్నారు.

నాగ్ సినిమాకు ప్రభాస్ రెమ్యూనరేషన్ అంతా

ఈ సినిమా ప్రకటించినప్పటి నుంచి ఎన్నో ఊహాగానాలు తెరపైకి వస్తున్నాయి. ఇందులో భాగంగానే తాజాగా ఈ సినిమాకు గానూ ప్రభాస్ అందుకోబోతున్న రెమ్యూనరేషన్ గురించి ఓ వార్త లీక్ అయింది. ప్రతిష్టాత్మకంగా భారీ బడ్జెట్‌తో రాబోతున్న ఈ మూవీ కోసం అతడు ఏకంగా రూ. 100 - 110 కోట్లు తీసుకోబోతున్నాడని ఇండస్ట్రీలో ప్రచారం జరుగుతోంది.

టాలీవుడ్ హిస్టరీలో ఇదే ఫస్ట్ టైం.!

తెలుగు సినీ చరిత్రలో వంద కోట్లు రూపాయలు పారితోషికంగా అందుకున్న హీరో లేడు. ఇప్పుడా ఘనతను ప్రభాస్ అందుకోబోతున్నాడని అంటున్నారు. అయితే, యంగ్ రెబెల్ స్టార్ ఈ సినిమాకు చేస్తున్న చార్జ్ రూ. 50 కోట్లు మాత్రమేనని, మిగిలిన మొత్తం సినిమా లాభాల్లో అతడికి వచ్చే వాటా అని ఓ న్యూస్ వినిపిస్తోంది. మొత్తానికి ప్రభాస్ మరోసారి హాట్ టాపిక్ అవుతున్నాడు.