అతిగా ఆశ పడను.. రిస్క్ ఎందుకు.. రీ ఎంట్రీపై రాంచరణ్ షాకింగ్ కామెంట్స్

బాలీవుడ్ రీ ఎంట్రీ గురించి

బాలీవుడ్‌ రీ ఎంట్రీపై అడిగిన ప్రశ్నకు సమాధానం ఇస్తూ.. బాలీవుడ్ రంగానికి వెళ్లడంపై ఆలోచించడం లేదు. ఇక్కడే బ్రహ్మండమైన కలెక్షన్లు వస్తున్నాయి. బాలీవుడ్‌లో ఎంత వస్తుందో తెలుగులో వస్తున్నది. అక్కడికి వెళ్లి రిస్క్ చేయడం కష్టమే అని అన్నారు.

తెలుగు సినిమానే ముఖ్యమని

ఇక ముందు కూడా నాకు తెలుగు సినిమానే నాకు ముఖ్యం. సౌత్ ఇండియా వరకే నా ప్రాధాన్యత. అంతకుమించి ఆశపడటం నాకు ఇష్టం లేదు. నాకు అతిగా ఆశపడటం కంటే సుఖంగా రిలాక్స్‌గా ఉండటమే ఇష్టం అని రాంచరణ్ అన్నాడు.

జంజీర్ చిత్ర రీమేక్‌లో

గతంలో అమితాబ్ బచ్చన్ నటించిన జంజీర్ సినిమాను రీమేక్‌గా అదే పేరుతో బాలీవుడ్ రంగంలో ఎంట్రీ ఇచ్చాడు. ప్రియాంక చోప్రా జంటగా నటించింది. అయితే ఆ సినిమా బాక్సాఫీస్ వద్ద దారుణంగా బోల్తాపడటంతో మళ్లీ బాలీవుడ్ ముఖం చూడలేదు.

వినయ విధేయ తర్వాత RRR మూవీ

రంగస్థలం సినిమా తర్వాత రాంచరణ్ నటించిన వినయ విధేయ రామ చిత్రం జనవరి 11న రిలీజ్ కానున్నది. ఈ చిత్రంలో కియారా అద్వాని, వివేక్ ఒబేరాయ్ నటించారు. బోయపాటి శ్రీను దర్శకత్వంలో ఈ చిత్రాన్ని ప్రముఖ నిర్మాత డీవీవీ దానయ్య రూపొందించారు. ఈ చిత్రం తర్వాత ఎన్టీఆర్‌తో కలిసి రాజమౌళి దర్శకత్వంలో RRR చిత్రంలో నటిస్తున్నారు.