గడ్డకట్టే చలిలో చొక్కా లేకుండా... రామ్ చరణ్ నిజమైన హీరో!

నువ్వు నిజమైన హీరో అంటూ ఉపాసన

‘‘ఒక కష్టమైన యాక్షన్ సీన్ చేసే ముందు నా ర్యాంబో సెట్స్‌లో వర్కౌట్ చేస్తున్న వీడియో ఇది. గడ్డకట్టే చలిలో చొక్కా లేకుండా ఇదంతా చేశాడు. మిస్టర్ సి(రామ్ చరణ్) నువ్వు నిజమైన హీరో' అంటూ ఉపాసన ట్వీట్ చేశారు.

సెన్సార్ కార్యక్రమాలు పూర్తి

బోయపాటి శ్రీను దర్శకత్వం వహిస్తున్న ఈ యాక్షన్ ఎంటర్టెనర్ సెన్సార్ కార్యక్రమాలను పూర్తి చేసుకుంది. బోర్డ్ సభ్యులు యూ/ఎ సర్టిఫికెట్ జారీ చేశారు. ఈ సంక్రాంతికి మాస్‌ ప్రేక్షకులను అలరించే అన్ని ఎలిమెంట్స్ జోడించి ఈ చిత్రాన్ని రూపొందించారు.

హైలెట్ అయ్యే అంశాలు

సెన్సార్ వర్గాల నుంచి అందుతున్న సమాచారం ప్రకారం .... ఇంటర్వెల్ బ్లాక్ అద్భుతంగా ఉంటుందని, ప్రీ క్లైమాక్స్ ఫైట్ సీన్స్ అభిమానులను అలరిస్తాయని తెలుస్తోంది.

రిలీజ్ ముందే ఈ ప్రచారం ఏమిటో...

‘వినయ విధేయ రామ' ఇంకా విడుదల కాకముందే ఈ సినిమా ఎలా ఉండబోతోంది అనే అంశంపై ట్విట్టర్లో చర్చసాగుతోంది. కథలో పెద్దగా కొత్తదనం ఏమీ ఉండోదని, కొత్త సీసాలో పాత సారా మాదిరిగా ఉంటుందని, ఆంధ్రాలో హిట్, తెలంగాణలో ఎబో యావరేజ్, ఓవర్సీస్‌లో బిలో యావరేజ్‌గా నడుస్తుందనే ప్రచారం జరుగుతుండటం అభిమానులను విస్మయానికి గురి చేస్తోంది.