ఇంట్రెస్టింగ్: పవన్ తర్వాత ఆ పాత్రలో రామ్ చరణ్.. చిరు సినిమాలో మెగా పవర్ స్టార్ రోల్ ఇదే.!

రెండు వైపులా నష్టపోయిన రామ్ చరణ్

గత ఏడాది రామ్ చరణ్ ‘వినయ విధేయ రామ'తో ప్రేక్షకుల ముందుకు వచ్చాడు. మాస్ డైరెక్టర్ బోయపాటి శ్రీను తెరకెక్కించిన ఈ సినిమా బాక్సాఫీస్ ముందు బోల్తా పడింది. దీంతో అతడికి నిరాశను మిగిల్చింది. ఇక, తన తండ్రి చిరంజీవి నటించిన ‘సైరా: నరసింహారెడ్డి' సినిమా వల్ల నిర్మాతగానూ నష్టాలను ఎదుర్కొన్నాడు చెర్రీ. దీంతో పోయిన ఏడాది మెగా ఫ్యామిలీకి కలిసి రాలేదు.

ఈ సారి రెండింతల బలంతో వస్తున్నారు

ఎన్నో అంచనాలతో వచ్చిన ‘సైరా: నరసింహారెడ్డి' ఆశించిన స్థాయిలో ఆడలేదు. అయినప్పటికీ ఈ సారైనా సత్తా చాటాలన్న లక్ష్యంతో రామ్ చరణ్ తన తండ్రితో మరో సినిమా చేస్తున్నాడు. టాలీవుడ్ బడా డైరెక్టర్ కొరటాల శివ తెరకెక్కించనున్న ఈ మూవీ ఇటీవలే షూటింగ్ ప్రారంభించుకుంది. హైదరాబాద్‌లో ప్లాన్ చేసిన మొదటి షెడ్యూల్‌లో పాటల చిత్రీకరణ జరుగుతోంది.

ముందుది కాదు.. కరెక్టుగా సెట్ చేశారు

ఈ సినిమాకు ‘గోవింద ఆచార్య' అనే టైటిల్ పెడుతున్నట్లు చిత్ర యూనిట్ మొదట్లో పోస్టర్ కూడా రిలీజ్ చేసింది. అయితే, ఆ తర్వాత కథలో జరిగిన మార్పుల వల్ల దీనికి ‘ఆచార్య' అనే టైటిల్ మాత్రమే ఫిక్స్ చేస్తున్నట్లు తెలుస్తోంది. దేవాదాయ భూములకు సంబంధించిన పాయింట్‌తో ఈ సినిమా తెరకెక్కుతోందని ఎప్పటి నుంచో ప్రచారం జరుగుతున్న విషయం తెలిసిందే.

చిరు మూవీ.. చరణ్ ద్విపాత్రాభినయం

చిరంజీవి హీరోగా నటిస్తున్న ఈ సినిమాకు రామ్ చరణ్ నిర్మాతగా వ్యవహరిస్తున్న విషయం తెలిసిందే. దానితో పాటు చరణ్ ఈ సినిమాలో ఓ కీలక పాత్రను కూడా చేస్తున్నాడు. చిత్ర యూనిట్ దీనిని అధికారికంగా ప్రకటించకున్నప్పటికీ ఇది నిజమేనన్న టాక్ వినిపిస్తోంది. అంటే.. మొత్తంగా ఈ సినిమా కోసం చరణ్ నటుడిగా, నిర్మాతగా ద్విపాత్రాభినయం చేస్తున్నాడన్న మాట.

చిరు సినిమాలో మెగా పవర్ స్టార్ రోల్ ఇదే.!

ఈ సినిమాలో రామ్ చరణ్ నటిస్తున్నాడన్న వార్త ప్రచారం అవుతున్నప్పటి నుంచి ఎన్నో ఊహాగానాలు తెరపైకి వస్తున్నాయి. తాజాగా ఈ పాత్రకు సంబంధించిన ఇంట్రెస్టింగ్ న్యూస్ లీక్ అయింది. దీని ప్రకారం.. చిరు సినిమాలో రామ్ చరణ్ చేసేది మావోయిస్టు పాత్రట. కథను మలుపు తిప్పే ఈ పాత్రతో చిరంజీవికి కూడా సంబంధం ఉంటుందనే టాక్ వినిపిస్తోంది.

Recommended Video

Megastar Chiranjeevi Sweet Warning To Ram Charan

పవన్ తర్వాత ఆ పాత్రలో రామ్ చరణ్

స్టార్ హీరో మావోయిస్టుగా కనిపించిన సినిమాలు తక్కువే. అయితే పవర్ స్టార్ పవన్ కల్యాణ్ మాత్రం ‘జల్సా' అనే సినిమాలో ఆ పాత్ర చేశారు. తన గ్రామంలో జరుగుతున్న అన్యాయాన్ని ఎదురించేందుకు అడవుల్లోకి వెళ్లిన వ్యక్తిగా పవన్ కనిపిస్తాడు. ఇప్పుడదే పాత్రను చెర్రీ చేస్తున్నాడట. త్రివిక్రమ్ శ్రీనివాస్ తెరకెక్కించిన ‘జల్సా' సూపర్ హిట్ అయిన విషయం తెలిసిందే.