ఇన్‌స్టా వీడియోతో రామ్ చరణ్ అభిమానులను టెమ్ట్ చేస్తున్న ఉపాసన!

అసలు ఏమిటీ వీడియో?

రామ్ చరణ్ ఫిట్ నెస్ విషయంలో, డైట్ విషయంలో చాలా స్ట్రిక్టుగా ఉంటారు. ఇందుకోసం తమకు ఇష్టమైన పదార్థాలకు కూడా దూరంగా ఉండాల్సి వస్తుంది. అయితే వారం పాటు బాగా ఎక్సర్ సైజ్ చేసి.... ఒక రోజు మీ ఇష్టమైన స్వీట్స్, చాకొలెట్లు తినొచ్చు అంటూ రామ్ చరణ్ వీడియో ద్వారా చెప్పే ప్రయత్నం చేసింది ఉపాసన.

చిన్ననాటి జ్ఞాపకాల్లోకి

ఓ సూపర్ మార్కెట్లో తన తనకు ఇష్టమైన కుకీస్, వేపర్స్, చాకొలెట్ల సముదాయం వద్ద నిల్చొని రామ్ చరణ్ తన చిన్న నాటి జ్ఞాపకాల్లోకి వెళ్లే ప్రయత్నం చేశాడు. ఈ విషయాన్ని ఉపాసన తన ఇన్‌స్టాగ్రామ్ పేజీ ద్వారా చెప్పే ప్రయత్నం చేసింది.

రామ్ చరణ్ మూవీ విశేషాలు

మెగా పవర్ స్టార్ రామ్ చరణ్ ప్రస్తుతం తన 12 చిత్రం (#RC12) షూటింగులో బిజీగా ఉన్నారు. డి.వి.వి.ఎంట‌ర్‌టైన్‌మెంట్ బ్యాన‌ర్‌పై మాస్ డైరెక్ట‌ర్ బోయ‌పాటి శ్రీను ద‌ర్శ‌క‌త్వంలో స్టార్ ప్రొడ్యూస‌ర్ దాన‌య్య డి.వి.వి నిర్మిస్తున్న ఈ చిత్రం షూటింగ్ యూరఫ్‌లోని అజ‌ర్ బైజాన్‌ అనే ప్రాంతంలో జరుగుతోంది. ఈ ప్రాంతంలో షూటింగ్ జరుపుకుంటున్న తొలి టాలీవుడ్ మూవీ కూడా ఇదే.

సంక్రాంతి రిలీజ్

రామ్‌చరణ్‌, కియ‌రా అద్వాని, ప్రశాంత్‌, వివేక్‌ ఒబెరాయ్‌, స్నేహ, హిమజ, ప్రవీణ తదితరులు నటిస్తున్న ఈచిత్రం సంక్రాంతి 2019కి ప్రేక్షకుల ముందుకు రాబోతోంది. ఈ చిత్రానికి స్టిల్స్: జీవ‌న్‌, మాటలు: ఎం.రత్నం, ఎడిటర్‌: కోటగిరి వెంకటేశ్వర రావు, ఆర్ట్‌: ఎ.ఎస్‌.ప్రకాష్‌, సంగీతం: దేవిశ్రీప్రసాద్‌, కెమెరామెన్‌: రిషి పంజాబీ, ఎగ్జిక్యూటివ్ ప్రొడ్యూసర్: వి. వై.ప్రవీణ్ కుమార్, స‌హ నిర్మాత‌: క‌ల్యాణ్ డి.వి.వి, నిర్మాత : దానయ్య డి.వి.వి, కథ, స్క్రీన్‌ప్లే, దర్శకత్వం: బోయపాటి శ్రీను.