Don't Miss!
- News ఉండి టీడీపీలో వార్ - మారుతున్న లెక్కలు, ఆడియో వైరల్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కీలక విషయం లీక్ చేసిన రామ్ పోతినేని: కొత్త సినిమా కోసం కారులోనే అలా
కొంత కాలంగా వరుస హిట్లను అందుకుంటూ ఫుల్ జోష్లో కనిపిస్తున్నాడు ఎనర్జిటిక్ స్టార్, ఉస్తాద్ రామ్ పోతినేని. ఈ ఉత్సాహంతోనే వరుసగా సినిమాలను లైన్లో పెట్టుకుంటున్నాడు. అందులో కోలీవుడ్ డైరెక్టర్ లింగుసామీతో చేసే ప్రాజెక్టు కూడా ఉంది. ఇప్పటికే పూజా కార్యక్రమాలు కూడా జరుపుకున్న ఈ చిత్రం.. అతి త్వరలోనే రెగ్యూలర్ షూటింగ్కు వెళ్లబోతుంది. ఇలాంటి పరిస్థితుల్లో తాజాగా ఈ సినిమాలోని పాటల గురించి హీరో రామ్ పోతినేని సోషల్ మీడియాలో ఓ పోస్ట్ చేశాడు. తద్వారా తన మూవీలోని సాంగ్ ట్యూన్ను వివరాలను స్వయంగా లీక్ చేసుకున్నాడు.
రామ్ పోతినేని.. లింగుసామీ కాంబినేషన్లో వస్తున్న ఈ సినిమాకు టాలీవుడ్ టాప్ మ్యూజిక్ డైరెక్టర్ దేవీ శ్రీ ప్రసాద్ సంగీతం అందిస్తోన్న విషయం తెలిసిందే. తాజాగా అతడు ఈ సినిమా కోసం ఓ లవ్ ట్యూన్ను కంపోజ్ చేశాడు. దాన్ని హీరో రామ్కు సెండ్ చేయగా.. అతడు కారులోనే దాన్ని వింటున్నాడు. దీనికి సంబంధించిన ఫొటోనే అతడు తన ఇన్స్టాగ్రామ్ ఖాతాలో షేర్ చేశాడు. ఇందులో RAPO19 లవ్ సాంగ్ అని రాసి ఉంది. ఈ పోస్టుకు రామ్ 'దేవీ శ్రీ ప్రసాద్ ఫైర్' అంటూ క్యాప్షన్ కూడా పెట్టాడు. దీంతో ఈ సినిమాలోని ఆల్బమ్పై అంచనాలను అప్పుడే పెంచేశాడు.
ఎంతో ప్రతిష్టాత్మకంగా రాబోతున్న ఈ సినిమాను పూర్తి స్థాయి యాక్షన్ ఎంటర్టైనర్గా రూపొందించబోతున్నారు. ఇందులో రామ్ పోతినేని రెండు విభిన్నమైన పాత్రలను చేస్తున్నట్లు తెలుస్తోంది. ఇది తెలుగు, తమిళ భాషల్లో రూపొందనుంది. ఇక, ఈ చిత్రాన్ని శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి భారీ బడ్జెట్తో నిర్మిస్తున్నారు. దీనికి దేవీ శ్రీ ప్రసాద్ సంగీతం అందిస్తున్నాడు. ఇందులో 'ఉప్పెన' బ్యూటీ కృతి శెట్టి హీరోయిన్గా నటిస్తోంది.