తండ్రులు, తాతల పాత్రలు మీకు... చంద్రబాబు పాత్ర నాకా? దూల తీరిపోయింది: రానా

అందరికీ బాగానే ఉంది. నాకే దూల తీరిపోయింది

‘‘అందరికీ బాగానే ఉంది. నాకే దూల తీరిపోయింది. మీరు మీ డాడీలు, గ్రాండ్ ఫాదర్ పాత్రలు వేసుకుని బాగానే ఉన్నారు. నాకేమో చంద్రబాబు నాయుడుగారి పాత్ర ఇచ్చారు.'' అంటూ రానా సరదాగా నవ్వుతూ తన మనసులోని భావాలన్ని బయటపెట్టారు.

క్రిష్ చెప్పగానే చరిత్ర విన్నట్లు అనిపించింది

బాహుబలి తర్వాత చేస్తున్న సినిమా ఇది. నా వయసు 35. ఎన్టీ రామారావుగారు అంటే ఇష్టం. ఎలా మొదలైందో కానీ క్రిష్ వచ్చి కథ చెప్పారు. నాకు చరిత్రలో ఒక ముక్క విన్నట్లు అనిపించిందని... రానా తెలిపారు.

తీసుకెళ్లి చంద్రబాబు ముందు కూర్చోబెట్టారు

పాత్ర వేసే ముందు నన్ను చంద్రబాబు దగ్గరకు తీసుకెళ్లారు. నువ్వు పోషిస్తున్న పాత్ర ఈ వ్యక్తిదే అని ఆయన ముందు కూర్చోబెట్టారు. ఈ సినిమాలో నేను చేసిన పార్ట్స్ అన్నీ క్రిష్ నాకు చెప్పినట్లు చంద్రబాబు నాయుడుగారు కూడా చెప్పారు. ఆయన చెప్పడం వల్ల ఆ పాత్ర ఇంకా సులభంగా చేశాను. ఒక క్యారెక్టర్‌కు ఇంతకంటే హోం వర్క్ ఉండదు... అని రానా తెలిపారు.

వచ్చే నెల రెండో భాగం

జాగర్లమూడి క్రిష్‌ దర్శకత్వంలో తెరకెక్కుతోన్న ఈ బయోపిక్‌ రెండో భాగం 'ఎన్‌.టి.ఆర్‌ మహానాయకుడు' ఫిబ్రవరి 7న విడుదల కాబోతోంది. ఎన్‌బికె ఫిల్మ్స్ నిర్మాణంలో వారాహి చలన చిత్రం సమర్పణలో ఈ బయోపిక్ విడుదల కాబోతోంది. ఎం.ఎం. కీరవాణి సంగీతం అందించారు.