హోమ్

హీరో

భల్లాలదేవుడు రానా పాత్రే కీలకంగా అనే సినిమాలని ఎంచుకుంటూ దూసుకుపోతున్నాడు. ప్రస్తుతం రానా పలు చిత్రాలతో బిజీగా గడుపుతున్నాడు. కేవలం నటుడిగా మాత్రమే కాక టీవీ హోస్ట్ గా కూడా రానా రాణిస్తున్నాడు. ఇప్పుడు ఈ ఆరడుగుల ఆజానుబాహుడు మరో కొత్త అవతారం ఎత్తాడు. సుమంత్ ప్రస్తుతం సుబ్రహ్మణ్యపురం అనే చిత్రంలో నటిస్తున్న సంగతి తెలిసిందే.

ఈ చిత్రం డిసెంబర్ 7న ప్రేక్షకుల ముందుకు వచ్చేందుకు సిద్ధం అవుతోంది. ఈ నేపథ్యంలో ఈ చిత్రానికి రానా వాయిస్ ఓవర్ అందిస్తున్నాడు. దేవాలయం చుట్టూ ఉత్కంఠ భరిత అంశాలతో సాగే ఈ చిత్రానికి రానా వాయిస్ ఓవర్ కీలకం కానుంది. తాజాగా రానా డబ్బింగ్ పూర్తి చేశాడు.

ఈ చిత్రానికి సంతోష్ జాగర్లపూడి దర్శకుడు. ఈషా రెబ్బ హీరోయిన్ గా నటిస్తోంది. ఇటీవల విడుదలైన ట్రైలర్ కు మంచి రెస్పాన్స్ వచ్చింది. ఆలయం నేపథ్యంలో జరుగుతున్న అంతుచిక్కని సంఘటనలు, ఆ మిస్టరీని చేధించే సుమంత్ పాత్ర ఆసక్తిని రేపుతున్నాయి. చాలా కలం తరువాత మళ్ళిరావా లాంటి మంచి చిత్రంతో సుమంత్ పుంజుకున్నాడు. సుబ్రహ్మణ్యపురం విజయం సాధిస్తే సుమంత్ కెరీర్ మళ్ళీ గాడిలో పడ్డట్లే.