ఎన్టీఆర్ ఎఫెక్ట్.. ఆలోచనలో అఖిల్!

సోలోగా రిపబ్లిక్ డే రోజు

తొలి ప్రేమ చిత్రంతో సూపర్ హిట్ అందుకున్న వెంకీ అట్లూరి మిస్టర్ మజ్ను చిత్రాన్ని తెరెకెక్కిస్తున్నాడు. సంక్రాంతి హడావిడి ముగిసాక రిపబ్లిక్ డే కానుకగా జనవరి 26న మిస్టర్ మజ్ను చిత్రాన్ని విడుదల చేయాలని భావించారు.కానీ మిస్టర్ మజ్ను చిత్రం రిపబ్లిక్ డే విడుదల సందిగ్ధంలో పడ్డట్లు తెలుస్తోంది.

ఎన్టీఆర్ ఎఫెక్ట్

ఎన్టీఆర్ బయోపిక్ చిత్రాన్ని రెండు భాగాలుగా విడుదల చేయనున్నట్లు ప్రకటించిన సంగతి తెలిసిందే. ఎన్టీఆర్ కథానాయకుడు చిత్రాన్ని జనవరి 9 న విడుదల చేస్తారు. రెండవ భాగం ఎన్టీఆర్ మహానాయకుడు చిత్రాన్ని జనవరి 24న విడుదల చేయనున్నట్లు ప్రకటించారు. దీనితో మిస్టర్ మజ్ను చిత్రం ఎన్టీఆర్ బయోపిక్ తో పోటీ పడవలసి ఉంటుంది.

ఆలోచనలో అఖిల్

ఎన్టీఆర్ బయోపిక్ ప్రభావంతో మిస్టర్ మజ్ను చిత్ర యూనిట్ కొత్త విడుదల తేదీ కోసం పరిశీలిన మొదలు పెట్టినట్లు తెలుస్తోంది. అనుకున్న సమయానికే చిత్రాన్ని విడుదల చేస్తారా లేక రిలీజ్ డేట్ మారుతుందా అనేది వేచి చూడాలి.

పట్టుదలతో

తొలి రెండు చిత్రాలు నిరాశ పరచడంతో మిస్టర్ మజ్ను చిత్రంతో విజయాన్ని అందుకోవాలని అఖిల్ పట్టుదలగా ఉన్నాడు. తమన్ ఈ చిత్రానికి సంగీతం అందిస్తున్నాడు. నిధికి అగర్వాల్ కథానాయిక.