Vijay Devarakonda: ఆ ఇద్దరమ్మాయిలకు రౌడీ హీరో షాకింగ్​ రిప్లై... అలా చేస్తే కలుస్తానంటూ!

రౌడీ విజయ్ దేవరకొండ ఈ పేరు పాన్ ఇండియా రేంజ్​లో ఉన్న మూవీ లవర్స్​ అందరికీ తెలిసే ఉంటుంది. లేడీ ఫ్యాన్​ ఫాలోయింగ్ కూడా ఎక్కువే. ప్రస్తుతం ఫ్యామిలీ స్టార్ సినిమాతో బిజీగా ఉంటున్న ఆయన త్వరలోనే ఈ చిత్రంతో ప్రేక్షకులను పలకరించనున్నారు. అయితే తాజాగా ఆయన ఇద్దరు లేడీ స్టూడెంట్స్​కు ఊహించని విధంగా షాకింగ్ రిప్లై ఇచ్చారు. ప్రస్తుతం ఇది నెట్టింట్లో హాట్ టాపిక్​గా మారింది. అందరూ దీని గురించే చర్చించుకోవడం మొదలుపెట్టారు. మరీ ఇంతకీ ఆయన ఏం రిప్లై ఇచ్చారు? అది ఎందుకంత చర్చనీయాంశమైంది? ఈ స్టోరీలోకి వెళ్లి తెలుసుకుందాం....

టాలీవుడ్ రౌడీ హీరో విజయ్ దేవరకొండ గురించి ప్ర‌త్యేక ప‌రిచ‌యం చేయాల్సిన అవసరం లేదు. ఏ బ్యాక్ గ్రౌండ్ లేకుండా ఇండస్ట్రీలోకి అడుగుపెట్టి స్టార్ ఇమేజ్​ను సొంతం చేసుకున్నారు. సందీప్ రెడ్డి వంగా దర్శకత్వంలో అర్జున్ రెడ్డి సినిమా చేసి ఓవర్ నైట్​లో స్టార్ హీరో అయిపోయారు. ఆ తర్వాత గీతా గోవిందం చేసి మరో బ్లాక్ బస్టర్ హిట్​ను అందుకున్నారు. ఆ తర్వాత పలు సినిమాలు చేసి మరింత ఫ్యాన్ ఫాలోయింగ్​ను పెంచుకున్నారు. ఈ క్రమంలోనే పాన్ ఇండియా రేంజ్​లో స్టార్​ హీరోగా మారిపోయారు. అయితే ఆయనకు అంత క్రేజ్ ఉన్నప్పటికీ సరైన భారీ హిట్ ఇంత వరకు పడలేదు.

ఈ మధ్య ఖుషి సినిమాతో బాక్సాఫీస్​ దగ్గర పర్వాలేదనించే సక్సెస్​ను అందుకున్నారు విజయ్​. అయితే అది ఆయన స్టార్ డమ్ రేంజ్ హిట్ కాదనే చెప్పాలి. ప్రస్తుతం ఆయన పరశురామ్ దర్శకత్వంలో మృణాల్ ఠాకూర్​తో కలిసి ఫ్యామిలీ స్టార్ అనే సినిమా చేస్తున్నారు. ఈ సినిమా త్వరలోనే రిలీజ్​కు రెడీ అవుతోంది. అయితే ఈ రౌడీ హీరో సోషల్ మీడియాలోనూ ఫుల్ యాక్టివ్​గా ఉంటారన్న సంగతి తెలిసిందే.

తన సినిమాల విశేషాలతో పాటు సమాజంలో జరిగే పలు విషయాలపైన కూడా స్పందిస్తుంటారు. సామాజిక సేవ కూడా చేస్తుంటారు. ఏదో ఒక విషయం ద్వారా ఎప్పుడూ ఫ్యాన్స్​కు టచ్​లోనే ఉంటుంటారు. అయితే తాజాగా బెంగ‌ళురులో చదువుకుంటున్న ఓ లేడీ స్టూడెంట్​ అభిమాని పోస్ట్ పెట్టగా దానికి విజ‌య్ ,స్వీట్ రిప్లై ఇచ్చి సర్​ప్రైజ్ చేశారు.

రీసెంట్‌గా ఇద్దరు విద్యార్ధినులు విజయ్ కోసం పెట్టిన ఓ వీడియో పోస్ట్ నెట్టింట్లో ఎంతటి వైరల్​గా మారిందో తెలిసిన విషయమే. విజయ్ కామెంట్ చేస్తేనే పరీక్షలు రాయడానికి సిద్ధమవుతాం అంటూ వారు క్యాప్షన్ రాసుకొచ్చారు. అది కాస్త నెట్టింట్లో బాగా ట్రోల్ అండ్ ట్రెండ్ అయింది. ఈ ఇద్దరు అమ్మాయిలకు విజయ్ రిప్లై ఇస్తారా?ఏంటి? అంటూ చాలా మంది ఫన్నీ ఫన్నీగా సెటైరికల్​గా కామెంట్లు చేశారు. అయితే సడెన్​గా దీనిపై ప్రస్తుతం విజయ్ దేవరకొండ స్పందించడం హాట్ టాపిక్​గా మారింది.

90 మార్కులు తెచ్చుకుంటే తప్పకుండా కలుస్తా.. అంటూ ఆ విద్యార్ధినులకు స్వీట్​ రిప్లై ఇచ్చారు విజయ్. దీంతో ప్రస్తుతం ఆయన పెట్టిన కామెంట్ మరింత వైరల్​గా మారింది. తన అభిమానుల కోసం విజయ్ ఈ విధంగా స్పందించిన తీరుపై అభిమానులు, నెటిజన్లు ప్రశంసలు కురిపిస్తున్నారు.