Don't Miss!
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
- News మరో ఎమ్మెల్సీ ఉపఎన్నికకు షెడ్యూల్ విడుదల: బరిలో తీన్మార్ మల్లన్న
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
నేను జనసైనికుడిని, మామయ్య ఆరోగ్యమే ముఖ్యం, మెగా రిమిక్స్ ఇష్టం ఉండదు: సాయి ధరమ్ తేజ్
సాయి ధరమ్ తేజ్ హీరోగా కిషోర్ తిరుమల దర్శకత్వంలో రూపొందిన మూవీ 'చిత్రలహరి'. భారీ అంచనాలతో విడుదలైన ఈ చిత్రం బాక్సాఫీసు వద్ద తొలి రోజు పాజిటివ్ టాక్ సొంతం చేసుకుంది. వరుస ప్లాపుల తర్వాత ఎట్టకేలకు సాయి ధరమ్ తేజ్ ఖాతాలో హిట్టు పడింది.
సినిమా విజయానందంలో ఉన్న చిత్ర బృందం మీడియా ఇంటర్వ్యూలో బిజీ అయిపోయారు. ఈ సందర్భంగా సాయి ధరమ్ తేజ్ ఓ ప్రశ్నకు స్పందిస్తూ... మెగా ఫ్యామిలీ నుంచి వచ్చాను అనే భావన ఏమీ ఉండదు, అందరితో సాధారణ వ్యక్తిలానే ఉండాలనుకుంటాను అన్నారు.
మా అమ్మ నన్ను అలాగే పెంచింది
అందరినీ గౌరవించాలి అనే మంచి అలవాట్లతో మా అమ్మ నన్ను పెంచింది. మోరల్ వ్యాల్యూస్, మహిళలకు గౌరవం ఇవ్వడం నేర్పింది. నేను మెగా ఫ్యామిలీ నుంచి వచ్చాను, అందరిలా కాకుండా మనం ప్రత్యేకంగా ఉండాలి అనే ఆలోచనల ఎప్పుడూరాదు. అలా ఉండటం నాకు ఇష్టం ఉండదు. సక్సెస్ వచ్చినా, ఫెయిల్యూర్ వచ్చినా ఒకేలా ఉండాలనేది నా అభిమతమని సాయి ధరమ్ తేజ్ అన్నారు.
చిరంజీవిగారి పాటలు రీమిక్స్ చేయడం ఇష్టం ఉండదు
నాకు బేసిగ్గా చిరంజీవిగారి పాటలు రీమిక్స్ చేయడం ఇష్టం ఉండదు. సాంగ్స్ వినడం ఇష్టం. ఆ పాటలు వింటుంటే చిరంజీవిగారు గుర్తు రావాలి... నన్ను ఆ పాటల్లో ఊహించుకోలేను. ఇప్పటి వరకు చేసిన రీమిక్స్ పాటలు డైరెక్టర్, ప్రొడ్యూసర్ కోరిక మేరకు చేసినవే. నా ఇష్టపూర్వకంగా, నేను కావాలని చేసినవి కావు అన్నారు.
‘చిత్రలహరి'కి అలాంటివి అవసరం లేదు
‘చిత్రలహరి' సినిమాకు అలాంటి రీమిక్స్ సాంగ్స్ అవసరం లేదు. కథ కూడా డిమాండ్ చేయలేదు. ఈ సినిమాకు మోరల్ వ్యాల్యూస్ అనేది చాలా ముఖ్యం. అందుకనే కిషోర్ ఎలాగంటే అలా చేసుకుంటూ వెళ్లిపోయాను. భవిష్యత్తులో కూడా రిమిక్స్ సాంగ్స్ చేసే ఆలోచన లేదన్నారు.
నేను జనసైనికుడిని, మామయ్య ఆరోగ్యమే ముఖ్యం
జనసేన అధినేత పవన్ కళ్యాణ్ గారిని ఒక మంచి లీడర్గా నమ్ముతున్నాను. నేను కూడా ఒక జనసైనికుడిని. ఆయన ఈ సొసైటీ కోసం మంచి చేస్తారనే పూర్తి నమ్మకంతో ఉన్నాను. ఆయన ఆరోగ్యం బాగోలేకుంటే ఈ మధ్యే వెళ్లి కలిశాను. ముందు ఆయన ఆరోగ్యం ముఖ్యం, మా సినిమా ఎప్పుడైనా చూడొచ్చు. ఆయన త్వరగా కోలుకోవాలని కోరుకుంటున్నాను అని సాయి ధరమ్ తేజ్ తెలిపారు.