Don't Miss!
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Finance Kotak Mahindra Bank: కొంపముంచిన కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
హిందీలోనూ సత్తా చాటిన మెగా హీరో: ఏకంగా ఆ సినిమాతో సెంచరీ కొట్టేశాడు
మెగాస్టార్ చిరంజీవి మేనల్లుడిగా సినిమాల్లోకి ఎంట్రీ ఇచ్చాడు టాలెంటెడ్ హీరో సాయి ధరమ్ తేజ్. కెరీర్ ఆరంభంలోనే పలు విజయాలను అందుకున్న అతడు.. చాలా కాలం పాటు వరుస ఫ్లాపులతో ఇబ్బందులను ఎదుర్కొన్నాడు. ఇలాంటి పరిస్థితుల్లో 'చిత్రలహరి' అనే సినిమాతో మరోసారి హిట్ ట్రాక్ ఎక్కాడు. ఇది అతడికి విజయాన్ని అందించడమే కాదు.. కెరీర్కు బూస్టును కూడా ఇచ్చింది. అదే సమయంలో కలెక్షన్ల పరంగానూ దుమ్ము దులిపేసి.. భారీ స్థాయిలో వసూళ్లను రాబట్టింది. అందుకే ఈ సినిమా సాయి ధరమ్ తేజ్ కెరీర్లోనే స్పెషల్ అని చెబుతుంటారు.
థియేటర్లలో సత్తా చాటిన 'చిత్రలహరి' మూవీ అమెజాన్ ప్రైమ్ ద్వారా డిజిటల్ స్ట్రీమింగ్ అయింది. అందులో కూడా ఈ సినిమాకు భారీ స్థాయిలో స్పందన వచ్చింది. దీంతో ఎక్కువ మంది వీక్షించిన చిత్రాల జాబితాలో చేరిపోయింది. ఇదిలా ఉండగా.. ఈ సినిమాను 'ప్రేమమ్' పేరిట హిందీలోకి డబ్బింగ్ చేసి యూట్యూబ్లో విడుదల చేశారు. తెలుగు ప్రేక్షకుల మాదిరిగానే ఉత్తరాది వాళ్లు కూడా ఈ చిత్రాన్ని ఆదరించారు. ఫలితంగా ఇది భారీ స్థాయిలో వ్యూస్ను రాబట్టింది. ఈ క్రమంలోనే తాజాగా ఈ సినిమా వంద మిలియన్ మార్కును చేరుకుంది. అలాగే, దాదాపు ఒక మిలియన్ లైకులకు చేరువగా వచ్చేసింది.
ఇదిలా ఉండగా.. 'చిత్రలహరి' తర్వాత సాయి ధరమ్ తేజ్ వరుస విజయాలతో దూసుకుపోతున్నాడు. దీని తర్వాత మారుతి డైరెక్షన్లో వచ్చిన 'ప్రతిరోజూ పండగే'తో వరుసగా రెండో విజయాన్ని తన ఖాతాలో వేసుకున్నాడు. అంతేకాదు, ఈ సినిమా భారీ స్థాయిలో కలెక్షన్లు సాధించింది. ఇక, ఇటీవలే 'సోలో బ్రతుకే సో బెటర్'తో వరుసగా మూడో హిట్ను అందుకున్నాడు. ఇక, ప్రస్తుతం దేవ కట్టా దర్శకత్వంలో 'రిపబ్లిక్' అనే సినిమా చేస్తున్నాడు. ఆ మధ్య విడుదలైన ఈ మూవీ టీజర్కు ప్రేక్షకుల నుంచి మంచి స్పందన వచ్చింది.