నా తండ్రి ఆ పేరు పెట్టాడు.. ఇంటిపేరు చెప్పి దేశాన్ని కించపరుచను.. సల్మాన్

పలు రకాల పాత్రల్లో సల్మాన్

భారత్ సినిమా టీజర్ చూస్తే సల్మాన్ ఖాన్ పలు రకాల పాత్రల్లో దర్శనమిచ్చారు. నావీ ఆఫీసర్‌గా, మైనింగ్ కార్మికుడిగా, సర్కస్ కంపెనీలో పనిచేసే వ్యక్తిగా ఇలా చాలా రకాల పాత్రల్లో కనిపించాడు. అయితే ఇంతకీ సల్మాన్ ఖాన్ పాత్ర ఏంటో రివీల్ చేయకుండా సస్పెన్స్ కొనసాగించారు.

దేశభక్తి, యాక్షన్ మసాలా

భారత్ చిత్రంలో సల్మాన్ ఖాన్ చెప్పిన డైలాగ్స్ దేశభక్తి ప్రధానంగా సాగాయి. నా తండ్రి నా పేరు భారత్ అని పెట్టారు. నా ఇంటి పేరు ఏమిటని అడుగుతున్న వారికి ఒకటే జవాబు చెప్పాలనుకొన్నాను. నా ఇంటి పేరును నా పేరు ముందు తగిలించుకొని దేశాన్ని, నా ఆత్మగౌరవాన్ని కించపరుచుకోలేను అని సల్మాన్ చెప్పడం హైలెట్.

బ్యూటీ కత్రినా కైఫ్ హీరోయిన్‌గా

సల్మాన్ నటించిన భారత్ చిత్రం యాక్షన్, ఎంటర్‌టైనర్‌గా రూపొందించినట్టు స్పష్టమవుతున్నది. ఈ చిత్రంలో కత్రినా కైఫ్ హీరోయిన్‌గా నటించింది. అయితే టీజర్‌లో కత్రినా, సల్మాన్ కెమిస్ట్రీ, మ్యాజిక్ కనిపించలేదు. అభిమానులకు టీజర్‌లో కొంత అసంతృప్తిని కలిగించే విషయంగా కనిపించింది.

రంజాన్ పండుగకు రిలీజ్

భారత్ చిత్రాన్ని ఈ ఏడాది రంజాన్ పండుగకు రిలీజ్ చేసేందుకు ప్లాన్ చేస్తున్నారు. ఈ చిత్రంలో టబూ, జాకీ ష్రాఫ్, దిషా పటానీ, నోరా ఫతే, సునీల్ గ్రోవర్ నటించారు. అయితే ఈ సినిమాలో సల్మాన్ మళ్లీ గూడచారిగా కనిపిస్తున్నాడనే మాటలు వినిపిస్తున్నాయి.