హోమ్

హీరో

స్ఫూఫ్ సినిమాలు.. విచిత్రమైన నటనతో తెలుగు సినీ ఇండస్ట్రీలో సెన్సేషన్ అయ్యాడు బర్నింగ్ స్టార్ సంపూర్ణేష్ బాబు. 'హృదయ కాలేయం' అనే సినిమాతో టాలీవుడ్‌కు హీరోగా పరిచయం అయిన అతడు.. ఆ తర్వాత ఎన్నో చిత్ర విచిత్రమైన పాత్రలతో విభిన్నమైన గుర్తింపును అందుకున్నాడు. అదే సమయంలో వరుసగా సినిమాలు చేస్తూ సత్తా చాటాడు. ఈ క్రమంలోనే బిగ్గెస్ట్ రియాలిటీ బిగ్ బాస్‌లోనూ అవకాశాన్ని అందుకుని హాట్ టాపిక్ అయ్యాడు సంపూ. కామెడీ చిత్రాలనే కాకుండా.. సీరియస్ సినిమాలను సైతం చేసి ఔరా అనిపించాడు. ఈ క్రమంలోనే మరో సినిమా చేస్తున్నాడు.

ఓరచూపుతో కాల్చేస్తోంది.. దివ్యా గణేష్ పిక్స్ వైరల్

వసంత నాగేశ్వరావు దర్శకత్వంలో సంపూర్ణేష్ బాబు నటిస్తోన్న చిత్రం 'బజారు రౌడీ'. కేఎస్‌ క్రియేషన్స్‌ బ్యానర్‌లో సందిరెడ్డి శ్రీనివాసరావు నిర్మిస్తోన్న ఈ సినిమాలో మహేశ్వరి వద్ది హీరోయిన్‌గా చేస్తోంది. తాజాగా ఈ సినిమా షూటింగ్‌లో ఓ ప్రమాదం జరిగింది. క్లైమాక్స్ ఫైట్ సీన్ చిత్రీకరిస్తోన్న సమయంలో హీరో సంపూర్ణేష్ బాబు బైకు పైనుంచి కింద పడిపోయాడు. దీనికి సంబంధించిన వీడియో కూడా సోషల్ మీడియా ద్వారా బయటకు వచ్చింది. ఇక, ఈ విషయాన్ని చిత్ర యూనిట్ అధికారికంగా వెల్లడిస్తూ ఓ ప్రకటనను కూడా విడుదల చేసింది.

షూటింగ్ స్పాట్‌లో ప్రమాదం జరిగినప్పటికీ.. సంపూర్ణేష్ బాబుకు ఎటువంటి గాయాలు కాలేదని తెలుస్తోంది. అంతేకాదు, ఇది జరిగిన వెంటనే అతడు విశ్రాంతి కూడా తీసుకోకుండా షూటింగ్‌ను కంటిన్యూ చేశాడని సమాచారం. ఇక, ఈ సినిమాను ఫిబ్రవరిలో విడుదల చేయడానికి చిత్ర యూనిట్ సన్నాహాలు చేస్తోంది. ఇదిలా ఉండగా, రెండేళ్ల క్రితం సంపూర్ణేష్ బాబు 'కొబ్బరి మట్ట' అనే సినిమాతో భారీ విజయాన్ని అందుకున్న విషయం తెలిసిందే. ఏమాత్రం అంచనాలు లేకుండా వచ్చిన ఈ మూవీ కలెక్షన్ల పరంగానూ దుమ్ము దులిపేసింది.

PR : *"బజార్ రౌడి క్లైమాక్స్ షూటింగ్ లో బర్నింగ్ స్టార్ సంపూర్ణేష్ బాబు కి తృటిలో తప్పిన ప్రమాదం* "

A Small Accident took place in the shooting of @sampoornesh's #BazarRowdy sets!. He's doing well & joins back the sets soon! pic.twitter.com/7rRs83ZkE5

— AndhraBoxOffice.Com (@AndhraBoxOffice) January 23, 2021