ప్రీమియ‌ర్ షోల‌తో గ్రాండ్‌గా విడుదలవుతున్న ‘ఆక్వామ్యాన్’

జేస‌న్ మ‌మోవా, అంబ‌ర్ హియ‌ర్డ్ క‌లిసి న‌టించిన చిత్రం అక్వామేన్ . డి.సి.కామిక్స్ ఆధారంగా రూపొందించిన ఈ భారీ బ‌డ్జెట్ చిత్రాన్ని తెలుగులో స‌ముద్ర‌పుత్రుడు పేరుతో ఎన్‌.వి.ఆర్.సినిమా బ్యాన‌ర్‌పై ఎన్‌.వి.ప్ర‌సాద్ విడుద‌ల చేస్తున్నారు.

జేమ్స్ వాన్ ద‌ర్శ‌క‌త్వం వ‌హించిన ఈ యాక్ష‌న్ ప్యాక్డ్ అడ్వంచ‌ర‌స్ చిత్ర‌ంలో జేస‌న్ మ‌మోవా టైటిల్ రోల్‌ పోషిస్తున్నారు. ఆద్యంతం ఉత్కంఠ‌భ‌రితంగా సాగే ఈ హాలీవుడ్ మూవీలో జేస‌న్ ఫ్రెండ్ మేర పాత్ర‌లో అంబ‌ర్ హియర్డ్ క‌నిపించబోతున్నారు.

ఇప్పటికే చైనాలో విడుద‌లైన ఈ సినిమా మూడు రోజుల్లోనే 100 మిలియ‌న్ డాల‌ర్స్‌ను వ‌సూలు చేసి సెన్సేష‌న్ క్రియేట్ చేసింది. డిసెంబ‌ర్ 14న ఈ చిత్రం ఇండియాలో విడుదలవుతుండగా ఒక రోజు ముందే దేశ వ్యాప్తంగా ప్రీమియర్ షోలు వేయబోతున్నారు.

సినిమా గరించి ఎన్‌.వి.ప్ర‌సాద్ మాట్లాడుతూ - ది కంజురింగ్‌, ది కంజురింగ్ 2, ప్యూరియ‌స్ 7 వంటి సూప‌ర్ హిట్ చిత్రాల ద‌ర్శ‌కుడు జేమ్స్ వాన్ ద‌ర్శ‌క‌త్వంలో ఈ సినిమా తెర‌కెక్కింది. సినిమాను అమేజింగ్ ఎక్స్‌పీరియెన్స్‌ను ఇస్తుంది. అమెరికా కంటే వారం ముందుగానే భార‌త‌దేశంలో సినిమా విడుద‌ల‌వుతుంది. ఇలాంటి సినిమాను తెలుగులో విడుద‌ల చేస్తున్నందుకు గ‌ర్వంగా ఉంది. చిన్న సైజు బాహుబ‌లిలా మెప్పిస్తుంది. స‌ముద్రంలో స‌న్నివేశాలు థ్రిల్ చేస్తాయి అన్నారు.