Don't Miss!
- News సీఎం జగన్పై రాళ్లదాడి కేసులో బొండ ఉమ అరెస్ట్..?
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
Sarkaru Vaari Paata Birthday Blaster: మహేశ్ బాబు ఖాతాలో మరో రికార్డు
దాదాపు మూడు దశాబ్దాలుగా తెలుగు సినీ ఇండస్ట్రీలో తన హవాను చూపిస్తూ బడా హీరోగా వెలుగొందుతున్నాడు సూపర్ స్టార్ మహేశ్ బాబు. సుదీర్ఘ కాలంగా హీరోగా చేస్తున్నా.. ఈ మధ్యనే అతడు సూపర్ డూపర్ ఫామ్లో కనిపిస్తున్నాడు. దీనికి కారణం ఈ స్టార్ హీరో వరుసగా మూడు బ్లాక్ బస్టర్ హిట్లను అందుకోవడమే. హిట్టు మీద హిట్టు హిట్టు మీద హిట్టు కొడుతూ ఇప్పటికీ హ్యాట్రిక్ను తన ఖాతాలో వేసుకున్నాడు. ఈ ఉత్సాహంతోనే మరిన్ని సినిమాలను పట్టాలెక్కిస్తున్నాడు. ఈ క్రమంలోనే ప్రస్తుతం 'సర్కారు వారి పాట' అనే సినిమాను చేస్తున్నాడు మహేశ్.
ఘాటు వీడియోతో షాకిచ్చిన విష్ణుప్రియ: ఓ రేంజ్లో రెచ్చిపోతూ అందాల ఆరబోత
కుటుంబ కథా చిత్రాల దర్శకుడిగా పేరొందిన పరశురాం డైరెక్షన్లో సూపర్ స్టార్ మహేశ్ బాబు నటిస్తోన్న చిత్రమే 'సర్కారు వారి పాట'. బ్యాంకులను మోసం చేసి పరారవుతోన్న బడా వ్యాపారవేత్తలను టార్గెట్ చేస్తూ ఈ చిత్రాన్ని రూపొందిస్తున్నారు. ఇప్పటికే ఈ మూవీ షూటింగ్ కొంత భాగం పూర్తైంది. మిగిలిన దాన్ని వీలైనంత త్వరగా పూర్తి చేసేయాలని మహేశ్ బాబు ప్లాన్ చేసుకుంటున్నాడు. ఇందులో భాగంగానే ఏమాత్రం విశ్రాంతి తీసుకోకుండా హైదరాబాద్లో జరుగుతోన్న షెడ్యూల్లో పాల్గొంటున్నాడు. ఈ నేపథ్యంలో మహేశ్ బాబు తాజాగా ఓ అరుదైన ఘనతను సొంతం చేసుకున్నాడు.
ఆగస్టు 9న టాలీవుడ్ సూపర్ స్టార్ మహేశ్ బాబు తన 46వ పుట్టినరోజును జరుపుకున్నాడు. ఈ సందర్భంగా అతడు నటిస్తోన్న తాజా చిత్రం 'సర్కారు వారి పాట' నుంచి పుట్టినరోజు కానుకగా 'సర్కారు వారి పాట బర్త్డే బ్లాస్టర్' పేరిట ఓ వీడియో విడుదలైంది. ఇందులో మహేశ్ బాబును అల్ట్రా స్టైలిష్ గెటప్తో చూపించారు. అలాగే, అతడు చెప్పిన డైలాగ్స్, చూపించిన గ్రేస్ అదుర్స్ అనిపించేలా ఉన్నాయి. వీటితో పాటు థమన్ బ్యాగ్రౌండ్ స్కోర్ కూడా సూపర్బ్గా ఉంది. వీటికి తోడు ఈ లుక్తో వింటేజ్ మహేశ్ బాబును గుర్తు చేశాడు చిత్ర దర్శకుడు పరశురాం.
'సర్కారు వారి పాట బర్త్డే బ్లాస్టర్' వీడియోకు ఫ్యాన్స్తో పాటు సినీ ప్రియుల నుంచి భారీ స్థాయిలో స్పందన వచ్చింది. ఫలితంగా ఈ టీజర్ 24 గంటల్లోనే 23.06 మిలియన్ వ్యూస్ను, 7 లక్షలకు పైగా లైకులను సొంతం చేసుకుంది. తద్వారా తెలుగు సినీ ఇండస్ట్రీలో ఒక్కరోజులో ఎక్కువ వ్యూస్ సాధించిన టీజర్గా రికార్డు క్రియేట్ చేసింది. ఇక, తాజాగా ఈ వీడియో 30 మిలియన్ వ్యూస్ మార్కును చేరుకుంది. దీంతో తెలుగులో వేగంగా ఈ మైలురాయిని అందుకున్న టీజర్ల జాబితాలో చేరిపోయింది. ఫలితంగా మహేశ్ బాబు ఖాతాలో మరో రికార్డు వచ్చి చేరింది.
SR Kalyanamandapam 6Days Collections: ఆరో రోజూ ఊహించని కలెక్షన్లు.. ఆ మూవీల రికార్డులు బద్దలు!
భారీ బడ్జెట్తో ఎంతో ప్రతిష్టాత్మకంగా రూపొందుతోన్న 'సర్కారు వారి పాట' మూవీలో మహానటి కీర్తి సురేష్ హీరోయిన్గా నటిస్తోంది. ఈ చిత్రాన్ని మైత్రీ మూవీ మేకర్స్, 14 రీల్స్ ఎంటర్టైన్మెంట్స్ సంస్థలతో కలిసి మహేశ్ స్వయంగా నిర్మిస్తున్నాడు. యంగ్ మ్యూజిక్ సెన్సేషన్ థమన్ సంగీతం అందిస్తున్నాడు. దీన్ని సంక్రాంతి కానుకగా ప్రేక్షకుల ముందుకు తీసుకు రాబోతున్నారు. ఈ భారీ చిత్రంలో ఓ రేంజ్లో అంచనాలు ఉన్నాయి. దీని కోసం సూపర్ స్టార్ ఫ్యాన్స్ వేయి కళ్లతో వేచి చూస్తున్నారు.