విజయ్ దేవరకొండ మరో సంచలనం: ‘ఫోర్బ్స్’ అండర్ 30 లిస్టులో..

సినిమా రంగం నుంచి విజయ్ దేవరకొండ

మొత్తం 16 రంగాల్లో యంగ్ అచీవర్స్ జాబితా ఫోర్బ్స్ సంస్థ విడుదల చేసింది. ఎంటర్టెన్మెంట్ అండ్ మ్యూజిక్ విభాగంలో 29 ఏళ్ల విజయ్ దేవరకొండతో పాటు యూట్యూబర్ ప్రజక్తా కోలి(25), సింగర్ మేఘనా మిశ్రా(17)కు చోటు దక్కింది.

తక్కువకాలంలో ఎవరూ ఊహించని స్థాయికి

విజయ్ దేవరకొండ అతి తక్కువ కాలంలో తెలుగు సినిమా ఇండస్ట్రీలో ఎవరూ ఊహించని స్థాయికి ఎదిగారు. ‘పెళ్లి చూపులు'తో హీరోగా తొలి సక్సెస్ అందుకున్న విజయ్... అర్జున్ రెడ్డి, గీత గోవిందం, టాక్సీవాలా చిత్రాలతో అభిమానుల్లో మరింత క్రేజ్ సంపాదించుకున్నాడు. ‘గీత గోవిందం' చిత్రం రూ.100 కోట్లకుపైగా వసూలు చేయడం అతిపెద్ద అచీవ్మెంట్.

సంపాదనలో 72వ స్థానం

2018లో సంపాదన పరంగా టాప్ 100 జాబితా ఇటీవల ఫోర్బ్స్ సంస్థ విడుదల చేయగా... విజయ్ దేవరకొండ రూ. 14 కోట్ల సంపాదనతో 72వ స్థానంలో దక్కించుకున్న సంగతి తెలిసిందే. వరుస విజయాలతో విజయ్ రెమ్యూనరేషన్ కూడా పెంచేసినట్లు టాక్.

విజయ్ దేవరకొండ

సినిమాల విషయానికొస్తే.. ప్రస్తుతం భరత్ కమ్మ దర్శకత్వంలో ‘డియర్ కామ్రేడ్' చిత్రం చేస్తున్నారు. దీంతో పాటు క్రాంతి మాధవ్ డైరెక్షన్లో మరో మూవీకి కూడా కమిట్ అయ్యారు. ఇందులో విజయ్ ఏకంగా నలుగురు హీరోయిన్లతో రొమాన్స్ చేస్తుండటం గమనార్హం.