హోమ్

హీరో

స్టైలిష్ హీరో శింబు నటించిన అత్తారింటికి దారేది రీమేక్ విడుదలకు సిద్ధం అవుతోంది. ఈ చిత్రాన్ని తమిళంలో వంత రాజవతాన్ వరువేన్ పేరుతో రీమేక్ చేస్తున్నారు. ఈ చిత్రాన్ని దర్శకుడు సుందర్ సి తెరకెక్కిస్తున్నారు. శింబు సరసన మేఘా ఆకాష్, కేథరిన్ హీరోయిన్లుగా నటించారు. సుందర్ సి ఈ చిత్రాన్ని కలర్ ఫుల్ గా తెరకెక్కించినట్లు తెలుస్తోంది. తెలుగులో పవర్ స్టార్ పవన్ కళ్యాణ్ నటించిన ఈ చిత్రాన్ని త్రివిక్రమ్ శ్రీనివాస్ తెరకెక్కించారు.

తెలుగులో ఈ చిత్రం ఘనవిజయం సాధించగా ఆ మ్యాజిక్ ని తమిళ్ లో కూడా రిపీట్ చేయాలని శింబు అండ్ టీం భావిస్తోంది. సంక్రాంతికే విడుదుల కావాల్సిన ఈ చిత్రం అనివార్య కారణాల వలన వాయిదా పడింది. తాజాగా ఈ చిత్ర విడుదల తేదీ ప్రకటించారు. ఫిబ్రవరి 1 ఈ చిత్రాన్ని విడుదల చేయనున్నారు.

దర్శకుడు సుందర్ ఎలాంటి మార్పులు లేకుండా అత్తారింటికి దారేది కథని అదే విధంగా తెరకెక్కించినట్లు తెలుస్తోంది. లైకా ప్రొడక్షన్స్ సంస్థ ఈ చిత్రాన్ని నిర్మిస్తోంది. హిప్ హాప్ తమిజా ఈ చిత్రానికి సంగీత దర్శకుడు. తెలుగులో రికార్డులు సృష్టించిన ఈ చిత్రం తమిళంలో ఎలాంటి విజయం సాధిస్తుందో చూడాలి.