హోమ్

హీరో

సూపర్ స్టార్ మహేష్ బాబు నటిస్తున్న తాజా చిత్రం మహర్షి. ఈ చిత్ర షూటింగ్ ప్రస్తుతం హైదరాబాద్ లో జరుగుతోంది. మహేష్ కు లేడీస్ ఫాలోయింగ్ గురించి ప్రత్యేకంగా చెప్పనవసరం లేదు. మహేష్ ని చూడాలనే కోరికతో ఓ చిన్నారి అమ్మాయి మహర్షి సెట్స్ కు వెళ్ళింది.

ఆ అమ్మాయిని మహేష్ నిరాశపరచలేదు. ఆమెతో కలసి మహేష్ ఫోటో దిగాడు. ఈ పిక్ నెటిజన్లని ఆకట్టుకుంటోంది. సోషల్ మీడియాలో వైరల్ గా మారింది. మహర్షి చిత్రాన్ని దర్శకుడు వంశీ పైడిపల్లి తెరకెక్కిస్తున్నాడు. ఈ చిత్రంలో మహేష్ స్టూడెంట్ పాత్రలో కనిపించబోతున్నాడు. రైత సమస్యల అంశంతో ఈ చిత్రం తెరకెక్కుతున్నట్లు వార్తలు వస్తున్నాయి.

కామెడీ హీరో అల్లరి నరేష్ ఈ చిత్రంలో మహేష్ స్నేహితుడిగా కీలక పాత్రలో నటిస్తున్నాడు. హైదరాబాద్ షెడ్యూల్ తరువాత యూఎస్ లో భారీ షెడ్యూల్ కు చిత్ర యూనిట్ ప్లాన్ చేస్తోంది. 2019 ఏప్రిల్ లో మహర్షి చిత్రం ప్రేక్షకుల ముందుకు రానుంది.