SSMB 29: మహేశ్ మళ్లీ కొత్త లుక్​... ఏంది భయ్యా ఇలా మారిపోయాడు.. అంతా రాజమౌళి కోసమే!

సూపర్ స్టార్ మహేశ్​ బాబు గురించి ప్రత్యేకంగా చెప్పనక్కర్లేదు. నాలుగు పదుల వయసులోనూ 20ఏళ్ల కుర్రాడిలా కనిపిస్తారు. ప్రస్తుతం ఆయన దర్శకధీరుడు రాజమౌళి సినిమా కోసం రెడీ అవుతున్నారు. ఇప్పటికే ఎన్నో సార్లు కొత్త కొత్త లుక్స్​లో కనపడిన మహేశ్ బాబు ఇప్పుడు మళ్లీ ఎవరూ ఊహించని రేంజ్​లో సూపర్ న్యూ లుక్​లోకి మారారు! దాని గురించే ఈ కథనం..

రీసెంట్​గా సంక్రాంతికి గుంటూరు కారం చిత్రంతో ప్రేక్షకుల ముందుకు వచ్చారు సూపర్ స్టార్ మహేశ్​ బాబు. ఈ సినిమా కంటెంట్ పరంగా కాకపోయినా కలెక్షన్ల పరంగా బాక్సాఫీస్ వద్ద అదిరిపోయే వసూళ్లను అందుకుంది. ఇక ఈ సినిమా పూర్తైన నేపథ్యంలో ఇప్పుడు రాజమౌళి సినిమా కోసం రెడీ అవుతున్నారాయన. అయితే ఈ చిత్రం కోసం ఇప్పటికే ఆయన గత కొంత కాలంగా తన లుక్ విషయంలో మహేశ్ చాలా కేర్ తీసుకుంటున్న సంగతి తెలిసిందే.

సాధారణంగానే మహేశ్​కు జిమ్ అంటే చాలా ఇష్టం. ఎప్పుడు కసరత్తులు చేస్తుంటారు. రాజమౌళి సినిమా కోసం ఇప్పుడు మరింత ఎక్కువ సేపు జిమ్​లో గడుపుతున్నారు. తన బాడీ ఫిజిక్​ను మారుస్తున్నారు. లుక్స్​ను కూడా రోజురోజుకు మారుస్తున్నారు. అలా తాజాగా మరో కొత్త లుక్​ కూడా బయటకు వచ్చింది. ఎవరూ ఊహించని విధంగా ఆయన ఛేంజ్ చేస్తున్నారు. ఇది చూసిన అభిమానులు మళ్లీ ఫిదా అవుతున్నారు.

ఈ మధ్యే ప్రముఖ నిర్మాత దిల్ రాజు తన అన్న కొడుకు ఆశిష్ పెళ్లికి పిలవడానికి మహేశ్​ ఇంటికి వెళ్లారు. మహేశ్ కుటుంబానికి పెళ్లి కార్డ్​ ఇచ్చి ఆహ్వానించారు. ఈ సందర్భంగా మహేశ్​-నమ్రతలతో దిల్​ రాజు దిగిన ఫొటో సోషల్ మీడియాలో పోస్ట్ చేశారు. ఆ పిక్​ ఇప్పుడు వైరల్​గా మారింది. ఇందులో మహేశ్​ తన న్యూ లుక్​లో దర్శనమిచ్చారు. ఇందులో మహేశ్ బాగా జుట్టు పెంచి, గడ్డం కూడా బాగా పెంచుతున్నట్టుగా కనిపిస్తోంది.

అయితే హెయిర్ స్టైల్​ ఎక్కువగా కనపడకుండా టోపీ పెట్టారు మహేశ్. వాస్తవానికి మహేశ్​ లాంగ్​ హెయిర్, గడ్డంతో చాలా తక్కువగానే కనిపిస్తారు. అందుకే మహేశ్​ను ఇప్పుడలా చూసి అందరూ ఆశ్చర్యపోతున్నారు. ఈ లుక్ రాజమౌళి సినిమా కోసమేనని ఫ్యాన్స్ తెగ కామెంట్లు చేస్తున్నారు. చూడాలి మరి దర్శకధీరుడు జక్కన్న మహేశ్​ బాబును ఎలా చూపిస్తారో...

కాగా, మహేశ్​ - రాజమౌళి సినిమా ప్రకటించినప్పటి నుంచి మూవీపై భారీ అంచనాలు నెలకొన్నాయి. ఈ చిత్రం ఫారెస్ట్ బ్యాక్​డ్రాప్​లో యాక్షన్ అడ్వెంచర్ ఉంటుందని ఇప్పటికే రాజమౌళి తెలిపారు. కథ కూడా పూర్తైంది. మ్యూజిక్ సిట్టింగ్స్​ మొదలయ్యాయి. ఈ సినిమా దాదాపు రూ.1000కోట్ల బడ్జెట్​తో తెరకెక్కనుందని తెలుస్తోంది. సినిమాలో హాలీవుడ్​ ప్రముఖులు కూడా భాగస్వామ్యమవుతున్నారు