ఫస్ట్ డే షూటింగ్.. రంగంలోకి దిగిన సుశాంత్

ప్రస్తుతం టాలీవుడ్ అంతా షూటింగ్‌లతో కళకళలాడుతోంది. చిన్నా పెద్దా అని తేడా లేకుండా హీరోలందరూ రంగంలోకి దిగారు.. కొందరు ఇప్పుడిప్పుడే దిగుతున్నారు. కుర్ర హీరోలైతే ఎప్పుడో షూటింగ్‌లు మొదలెట్టేశారు. ఈ క్రమంలో ఆర్ఆర్ఆర్ వంటి భారీ బడ్జెట్ చిత్రం కూడా షూటింగ్‌ను ప్రారంభించేసింది. ఇలా టాలీవుడ్ మళ్లీ బిజీ అవుతోంది. ఈ క్రమంలోనే అక్కినేని హీరో సుశాంత్ కూడా రంగంలోకి దిగాడు.

చిలసౌ ఇచ్చిన ఎనర్జీతో మంచి ఫాంలోకి వచ్చాడు సుశాంత్. ఆ సినిమా హిట్ అవ్వడంతో సెకండ్ ఇన్నింగ్ మొదలైంది. అయితే ఈ చిత్రం వచ్చి చాలా రోజులు అవుతున్నా.. సోలో హీరోగా మరో సినిమాను ప్రేక్షకుల ముందకు తీసుకురాలేకపోయాడు. అయితే మధ్యలో అల వైకుంఠపురములో చిత్రంలో సినిమాతో అందర్నీ పలకరించాడు. ఈ మూవీలో మంచి నటనను కనబర్చి అందర్నీ మెప్పించాడు.

సుశాంత్ ప్రస్తుతం ఇచ్చట వాహనములు నిలుపరాదు అనే కొత్త కథతో ప్రేక్షకులను పలకరిచేందుకు రెడీ అవుతున్నాడు. కరోనా, లాక్డౌన్ కారణంగా షూటింగ్ వాయిదా పడింది. అయితే తాజాగా ఈ మూవీ షూటింగ్‌ను నేడు మళ్లీ ప్రారంభించారు. మొదటి రోజు షూటింగ్ బాగానే జరిగింది అంటూ వర్కింగ్ స్టిల్‌ను షేర్ చేశాడు. ఇందులో అందరూ కలిసి ఏదో డిస్కషన్ చేస్తున్నట్టు కనిపిస్తోంది. అందరూ ఫేసుకు మాస్కులు పెట్టుకుని జాగ్రత్తలు పాటిస్తున్నారు.