Don't Miss!
- Sports SRH vs RCB: ఫుల్ టాస్కు ఔటైన మార్క్రమ్.. నవ్వు ఆపుకోలేకపోయిన కోహ్లీ!వీడియో
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- News కాలేజ్ అమ్మాయి ఇంటికి వెళ్లిన సీఎం, పోలింగ్ కు ఒక్కరోజు ముందు ప్రతిపక్షాలకు ఝలక్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
విశాల్కు నాన్ బెయిలబుల్ వారెంట్.. ఐదేళ్లుగా పన్ను ఎగవేత
కోలీవుడ్ నటుడు విశాల్ను అరెస్ట్ చేసేలా నాన్ బెయిలబుల్ వారెంటును జారీ చేసింది చెన్నైలోని అడిషనల్ చీఫ్ మెట్రోపాలిటన్ కోర్ట్. ఆదాయ పన్ను శాఖ వారు విశాల్కు చెందిన విశాల్ ఫిల్మ్ ఫ్యాక్టరీ సంస్థ టిడిఎస్ బకాయిల విషయంలో కేసు వేయడంతో కోర్టు ముందు హాజరు కావాల్సిందిగా గతంలోనే ఆదేశాలు జారీ అయ్యాయి. అయితే విశాల్ ఆగస్టు 2న హాజరు కాకపోవడంతో నాన్ బెయిలబుల్ వారెంట్ ఇష్యూ అయింది.
చెన్నై వడపళనిలోని 'విశాల్ ఫిలిమ్ ఫ్యాక్టరీ' కార్యాలయంలో పని చేస్తున్న సిబ్బందికి వేతనాల్లో మినహాయించిన పన్ను (టీడీఎస్) విశాల్ ఐదేళ్లుగా చెల్లించలేదు. ఎన్ని సార్లు నోటీసులు పంపినా విశాల్ పట్టించుకోకపోవడంతో ఆదాయ పన్ను శాఖ వారు కోర్టును ఆశ్రయించారు. దీనిపై కోర్టు ముందు హాజరైన వివరణ ఇవ్వాలని న్యాయస్థానం ఆదేశించినా విశాల్ రాక పోవడంతో నాన్ బెయిలబుల్ వారెంట్ ఇష్యూ చేశారు..
విశాల్ సినీ సెలబ్రిటీ అయినందున నేరుగా హాజరుకావడం నుంచి మినహాయింపు ఇవ్వాలని అతడి న్యాయవాది కోరగా, దానికి ఆదాయ పన్ను శాఖ న్యాయవాది అభ్యంతరం తెలిపారు. ఇరు వర్గాల వాదనలు విన్న అనంతరం విశాల్కు నాన్ బెయిలబుల్ వారెంట్ జారీ చేసి కేసును ఆగస్టు 28కి వాయిదా వేశారు.
విశాల్ సినిమాల విషయానికొస్తే... ఆయన నటించిన తమిళ చిత్రం 'అయోగ్య' ఇటీవల విడుదలై బాక్సాఫీస్ వద్ద మంచి విజయం అందుకుంది. తెలుగు మూవీ 'టెంపర్' రీమేక్. త్వరలో సుందర్ సి దర్శకత్వంలో సినిమా చేయబోతున్నారు. ఈ మూవీకి సంబంధించిన వివరాలు వెల్లడి కావాల్సి ఉంది.