Happy birthday vijay: ఆ ఒక్క మాటతో అభిమానిని పెళ్లి చేసుకున్న విజయ్.. ఖరీదైన కార్లు కలిగిన హీరో!

64సినిమాల్లో తెలుగు కథలు కూడా

పక్క ఇండస్ట్రీల మార్కెట్ తో సంబంధం లేకుండా డైరెక్ట్ తమిళ్ సినిమాతో అంతకంతకు తన మార్కెట్ ను పెంచుకుంటూ వస్తున్నాడు. ఈ మధ్యనే తెలుగులో కూడా తన మార్కెట్ ను పెంచుకోవడం స్టార్ట్ చేశాడు. ఇప్పటివరకు 64 సినిమాలు చేసిన విజయ్ ఒక్కడు, పోకిరి వంటి తెలుగు రీమేక్ సినిమాలతో కూడా బాక్సాఫీస్ హిట్స్ అందుకున్నాడు.

దర్శకుడి తనయుడిగా

విజయ్ ఫ్యామిలి విషయానికి వస్తే.. తమిళ డైరెక్టర్ చంద్రశేఖర్ తనయుడిగా ఇండస్ట్రీలోకి అడుగు పెట్టిన విజయ్ బాలనటుడిగా కెరీర్ ను స్టార్ట్ చేశాడు. అనంతరం మెల్లగా రొమాంటిక్ ప్రేమ కథల నుంచి యాక్షన్ కథల వరకు వచ్చాడు. సినిమా సినిమాకు అభిమానుల సంఖ్యను కూడా పెంచుకుంటూ వచ్చాడు.

అభిమానిని పెళ్లి చేసుకున్న విజయ్

ఇక విజయ్ తన అభిమానిని పెళ్లి చేసుకున్నాడని చాలామందికి తెలియదు. విజయ్ భార్య పేరు సంగీత. చాలాసార్లు ఆమె విజయ్ షూటింగ్ చూసేందుకు లొకేషన్స్ కు వెళుతుండేది. యూకేలోనే కుటుంబ సభ్యులతో ఉన్న ఆమె కొన్నిసార్లు ప్రత్యేకంగా విజయ్ కోసమని ఇండియాకు వచ్చేవారు. ఆమెను గమనించిన విజయ్ ఒకేసారి పిలిచి మాట్లాడి వివరాలు తెలుసుకున్నాడు.

ఆ మాటలకు విజయ్ ఫిదా

నేను మీకు పెద్ద అభిమానిని మీరంటే నా ప్రాణం అని సంగీత ఒక సాధారణ అభిమానిలా సంతోష పడుతూ చెప్పడంతో విజయ్ ఆమెకు చాలా తొందరగా కనెక్ట్ అయ్యాడు. కొన్నాళ్లకు వారి సాన్నిహిత్యం ప్రేమగా మారడంతో పెళ్లి చేసుకోవాలని ఇంట్లో వాళ్ళతో మాట్లాడారు. ఇక పెద్దలు కూడా అభ్యంతరం చెప్పకపోవడంతో 1999లోనే వివాహం జరిగింది.

విజయ్ కొడుకు హీరోగా ఎంట్రీ

సంగీత - విజయ్ లకు ఒక కొడుకు కూతురు ఉన్నారు. కొడుకు పేరు సంజయ్. అతను త్వరలోనే హీరోగా ఎంట్రీ ఇవ్వనున్నట్లు తెలుస్తోంది. ఇక కూతురు దివ్యా షాశా ఇదివరకే తేరి సినిమాలో ఒక చిన్న పాత్రలో కనిపించింది. విజయ్ ఎంత బిజీగా ఉన్నా కూడా అతను తన కుటుంబ సభ్యులకు ఏ మాత్రం దూరంగా ఉండడు.

విజయ్ లగ్జరీ కార్లు

ఇక విజయ్ కు కార్లంటే చాలా ఇష్టం. అతని దగ్గర ఉన్నన్ని కాస్ట్లీ బ్రాండ్ కార్లు సౌత్ లో మరెవరి దగ్గర లేవు. విజయ్ లగ్జరీ కార్ల వివరాల్లోకి వెళితే.. రోల్స్ రాయిస్ ఘోస్ట్ - సుమారు 6 కోట్లు,

ఆడి ఎ 8 - 1.30 కోట్లు, BMW సిరీస్ 5 - 75లక్షలు,
BMW X6 - 90 లక్షలు, మినీ కూపర్ 35లక్షలు.

Recommended Video

Actor Gopichand Inspiring Life Story | Filmibeat Telugu

విజయ్ రెమ్యునరేషన్ ఎంతంటే..?

ప్రస్తుతం విజయ్ ఒక్కో సినిమాకు మినిమమ్ 100కోట్లు ఛార్జ్ చేస్తున్నాడు. దాదాపు అతని మార్కెట్ మొత్తం కోలీవుడ్ లోనే సాలీడ్ గా ఉంది. దిల్ రాజు , వంశీ పైడిపల్లి కాంబినేషన్ లో చేయబోయే సినిమాకు కూడా 100కోట్ల వరకు ఛార్జ్ చేస్తున్నట్లు సమాచారం. ఇక నెల్సన్ దర్శకత్వంలో చేస్తున్న బీస్ట్ సినిమాను వచ్చే సంక్రాంతికి రిలీజ్ చేయవచ్చని సమాచారం.