అప్పుడు వారి శాడిజం, ఇపుడు వీరి నిర్లక్ష్యం.. దీన్ని ఆపేదెవరు? మంచు మనోజ్ ఆవేదన

అప్పుడు వారి శాడిజం, ఇపుడు వీరి నిర్లక్ష్యం

కేవలం నిర్లక్ష్యం వల్ల ఇలాంటివి జరుగుతున్నాయని తెలిసి చాలా డిస్ట్రబ్ అయ్యాను. ఒకప్పుడు కార్పొరేట్ కాలేజీమేనేజ్మెంట్స్ శాడిజం, ర్యాంకులు సాధించాలని వారిపై పెట్టే ఒత్తడి వల్ల జరిగేవి. ఇప్పుడు ఇంటర్మీడియట్ బోర్డు నిర్లక్ష్యం వల్ల అలాంటివి జరుగుతున్నాయి.

ఫెయిల్యూర్ వచ్చినపుడు సపోర్టుగా ఉండండి

‘‘అందరు తల్లిదండ్రులకు నేను రిక్వెస్ట్ చేసేది ఒకటే. మీ పిల్లలకు సపోర్టుగా ఉండండి, ఫెయిల్యూర్స్ వచ్చినపుడు వాటి నుంచి ఎలా బయటపడాలో చెప్పి ఎంకరేజ్ చేయండి. వారిలో ధైర్యం నింపి ఒత్తిడికి గురి కాకుండా చూసుకోవాల్సిన బాధ్యత మీపై ఉంది.' అని మనోజ్ వ్యాఖ్యానించారు.

టైమ్ వేస్ట్, డబ్బులు వేస్ట్ కాదు.. అదొక అనుభవం

‘జీవితం అనేది చాలా చిన్నది. మన వాళ్లు, మనల్ని ప్రేమించేవారు మనకు అండగా ఉంటే దాన్ని సింపుల్‌గా లీడ్ చేయవచ్చు. టైమ్ వేస్ట్, డబ్బులు వేస్ట్ అంటూ ఏమీ ఉండదు. ప్రతి ఒక్కటి మనకు ఒక ఎక్స్‌పీరియన్స్ ఇస్తుంది' అన్నారు.

కేటీఆర్ మీద నమ్మకం ఉంది

నాకు కేటీఆర్ గారి మీద చాలా నమ్మకం ఉంది. ఆయన మాట ఇచ్చిన ప్రకారం ఈ ఇష్యూలో న్యాయం చేస్తారు. సింపుల్‌గా ట్వీట్ చేసి అందరిలో భరోసా నింపారు. ఈ ర్యాంకుల రేసు వెనక ఉన్న కాలేజీలపై దృష్టి పెట్టాలని, ర్యాంకుల కోసం విద్యార్థులపై ప్రెజర్ పెడుతున్న వారిపై తగిన చర్యలు తీసుకోవాలని కోరుతున్నట్లు మనోజ్ ట్వీట్ చేశారు.

చదువు అనేది ఆత్మగౌరవం కాదు

‘‘చదువు కేవలం నాలెడ్జ్ గెయిన్ చేసుకునే సాధనం, భవిష్యత్తకు బాటలు వేసుకునే మార్గం. అంతేకానీ చదువు అనేది ఆత్మగౌరవం ఎంతమాత్రం కాదు. ప్రియమైన విద్యార్థురాలారా, తల్లిదండ్రులారా ఇంటర్మీడియట్ బోర్డు విషయంలో జరిగిన దానికి భయాందోళనకు గురి కాకుండా అధికారుల గైడ్ లైన్స్ ఫాలో అవ్వండి.'' అని మనోజ్ సూచించారు.