Don't Miss!
- Finance Gold Rate Today: బంగారం ప్రియులకు షాక్.. పెరిగిన ధర..!
- News దేవినేని ఉమకు కీలక బాధ్యత అప్పగించిన చంద్రబాబు..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Sports ఖమ్మం క్లాసెన్..మెదక్ మార్క్రమ్: క్రియేటివిటీ కొట్టేవాడే లేడు భయ్యా
- Lifestyle Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
200 కేజీల బరువు ఎత్తిన స్టార్ హీరో.. వీడియో వైరల్
నేటి తరం హీరోలందరూ ఫిట్నెస్పై బాగా దృష్టి సారిస్తున్నారు. ప్రాంతీయ భాషా చిత్రాల కంటే బాలీవుడ్లో ఇది కొంచెం ఎక్కువే అని చెప్పాలి. అక్కడి హీరోలందరూ చొక్కాలిప్పేసే సీన్లు ప్రత్యేకంగా పెడుతూ ఉంటారు. అందుకోసం నిరంతరం జిమ్లో కసరత్తులు చేస్తూనే ఉంటారు. ఇక, యాక్షన్ హీరోల గురించి ప్రత్యేకంగా చెప్పనక్కర్లేదు.
హృతిక్ రోషన్, టైగర్ ష్రాఫ్ అయితే ఎప్పుడూ ఫిట్నెస్ మీదే దృష్టి సారిస్తుంటారు. దీనికి సంబంధించిన విషయాలను కూడా సోషల్ మీడియా ద్వారా తమ అభిమానులతో పంచుకుంటూ ఉంటారు. తాజాగా టైగర్ ఓ అరుదైన ఫీట్ చేశాడు. దానికి సంబంధించిన వీడియోను సైతం సోషల్ మీడియాలో షేర్ చేశాడు. దీంతో అతడిపై ప్రశంసల వర్షం కురుస్తోంది.
బాలీవుడ్లోనే యాక్షన్ హీరోగా పేరు తెచ్చుకున్న టైగర్ ష్రాఫ్ జిమ్లో ఏకంగా రెండు వందల కేజీల బరువును ఎత్తేశాడు. ట్రైనర్ పక్కనే ఉండగా.. అతడి సూచనల ప్రకారం అంతటి బరువును సునాయాసంగా లేపేశాడు. దీనికి సంబంధించిన వీడియోను షేర్ చేస్తూ.. ఈ విషయాన్ని తన ఇన్స్టాగ్రామ్ ఖాతా ద్వారా అభిమానులతో పంచుకున్నాడు. దీంతో అతడిపై అభిమానులే కాకుండా, సినీ ప్రియులు పొగడ్తల వర్షం కురిపిస్తున్నారు.
టైగర్ ష్రాఫ్.. హృతిక్తో కలిసి నటించిన ఈ సినిమా 'వార్'. పూర్తి యాక్షన్ బ్యాక్డ్రాప్లో తెరకెక్కిన ఈ సినిమాను సిద్దార్ద్ ఆనంద్ డైరెక్ట్ చేశారు. యస్ రాజ్ ఫిలింస్ బ్యానర్పై ఆదిత్య చోప్రా నిర్మిస్తున్న ఈ సినిమాలో వాణీ కపూర్ నటిస్తోంది. ఎంతో ప్రతిష్టాత్మకంగా తెరకెక్కుతున్న ఈ సినిమాను గాంధీ జయంతి కానుకగా అక్టోబర్ 2న విడుదల చేయడానికి నిర్మాత సన్నాహాలు చేస్తున్నారు. ఇటీవల విడుదలైన ఈ సినిమా టీజర్కు భారీ స్పందన వచ్చింది.