Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
హీరోయిన్తో బ్రేకప్: తలకు గన్పెట్టి.. సూసైడ్ చేసుకుంటా.. ఇదే మంచి ఛాన్స్.. హీరో ట్వీట్లు
బాలీవుడ్ హీరో, ప్రముఖ నిర్మాణ సంస్థ యష్ రాజ్ ఫిల్మ్స్ పార్ట్నర్ ఉదయ్ చోప్రా ఆత్మహత్య చేసుకోవాలనిపిస్తున్నదని చేసిన ట్విట్టర్ పోస్ట్ సినీ, అభిమాన వర్గాల్లో ఆందోళనకు కారణమైంది. హీరోయిన్ నర్గీస్ ఫక్రీతో బ్రేకప్ తర్వాత ఉదయ్ చోప్రా డిప్రెషన్కు గురయ్యాడు. సినిమాలకు దూరంగా ఉంటూ మానసిక క్షోభను అనుభవిస్తున్నాడు. ఈ క్రమంలో ఆయన చేసిన వరుస ట్వీట్లు సంచలనం రేపాయి. ఆయన ఏమని ట్వీట్ చేశారంటే..
మరో గత్యంతరం లేదని
నీవు ఆరాధించే దేవడిని నమ్ముతూ నా తలపై గన్ గురిపెట్టవచ్చు. నాకు ఎలాంటి అభ్యంతరం ఉండదు. ఎందుకంటే అది తప్ప మరో గత్యంతరం కనిపించడం లేదు. నా మనసులో ఉన్నది మీకెవ్వరికీ తెలియదు. అది భగవంతుడికి మాత్రమే తెలుసు అంటూ ఉదయ్ చోప్రా ట్వీట్ చేశాడు.
మానసిక పరిస్థితి బాగా లేదు
ప్రస్తుతం నా మానసిక పరిస్థితి బాగా లేదు. జీవితాన్ని సరిదిద్దుకోవడానికి ప్రయత్నిస్తున్నా కానీ ఫెయిల్యూర్స్ మాత్రమే ఎదురవుతున్నాయి. కొన్ని గంటలపాటు ట్విట్టర్ను డీయాక్టివేట్ చేయాలని అనుకొంటున్నాను. నా మరణానికి దగ్గరగా వెళ్లాలని భావిస్తున్నా. ఆత్మహత్య చేసుకోవడానికి ఇదే మంచి అవకాశమని భావిస్తున్నాను అని ఉదయ్ చోప్రా మరో ట్వీట్ చేశాడు. కానీ తర్వాత వాటిని డిలీట్ చేయడం గమనార్హం.
వరుస ట్వీట్లతో టెన్షన్
ఉదయ్ చోప్రా వరుస ట్వీట్లు స్నేహితులను, అభిమానులను, సన్నిహితులను టెన్షన్ గురిచేశాయి. గురువారం ఉదయం హోళీ తాగిన తర్వాత సేవించిన మత్తు పానీయం (భంగ్)కారణంగానే ఇలాంటి ట్వీట్లు చేసి ఉండొచ్చనే భావన వ్యక్తమైంది. అయితే ఆయన ఆరోగ్యం ఉండాలని పలువురు నెటిజన్లు దేవుడిని ప్రార్థించారు.
డిప్రెషన్కు గురయ్యాను
గతేడాది కూడా తాను డిప్రెషన్కు లోనైనట్టు ఉదయ్ చోప్రా ట్వీట్ చేశాడు. డిప్రెషన్, యాంగ్జయిటీ, మానసికమైన రుగ్మత, ఆలోచనలు, డ్రగ్స్ వాడకం లాంటి అంశాలు నన్ను పీడిస్తున్నాయి. అదే పరిస్థితి కొనసాగితే నాకు చాలా సమస్యలు తలెత్తే ఛాన్సుంది అని ఉదయ్ తన ట్వీట్లో పేర్కొన్నారు.