Vaishnav Tej:అప్పుడు చిరంజీవి సీరియస్ అయ్యారు.. కన్నీళ్లు ఆగలేదు, వైష్ణవ్​ తేజ్​ కామెంట్స్

క్రిష్​ దర్శకత్వంలో..

తర్వాత ఫిట్​నెస్​ ముద్దుగుమ్మ రకుల్​ ప్రీత్​ సింగ్​తో కలిసి నటించి సినిమా కొండపొలం. ఈ చిత్రానికి ప్రముఖ దర్శకుడు క్రిష్​ జాగర్లమూడి డైరెక్షన్ చేశాడు. ప్రస్తుతం మరో ప్రేమ కథ చిత్రం రంగ రంగ వైభవంగా మూవీలో నటించాడు వైష్ణవ్ తేజ్. కేతికా శర్మ హీరోయిన్​గా నటించిన ఈ సినిమాకు గిరీశయ్యా దర్శకత్వం వహించాడు.

ఆసక్తికర సమాధానాలు..

ఈ మూవీ సెప్టెంబర్​లో విడుదల కానున్న నేపథ్యంలో సినిమా ప్రమోషన్స్​ను ప్రారంభించారు. ఇందులో భాగంగానే తాజాగా ఓ ప్రముఖ కమెడియన్​ షోలో పాల్గొన్నారు వైష్ణవ్ తేజ్, డైరెక్టర్​ గిరీశయ్యా. ఈ షోలో హోస్ట్ అడిగిన ప్రశ్నలకు ఆసక్తికర సమాధానాలు ఇచ్చాడు వైష్ణవ్​ తేజ్.

సీరియస్​ అయ్యారు..

'శంకర్​ దాదాలో మీ పెద్ద మామయ్య (చిరంజీవి)తో కలిసి నటించావ్​ కదా.. ఆయన నీకు ఏమైనా సలహాలు, సూచనలు ఇచ్చేవారా?' అని అడిగిన ప్రశ్నకు 'ఈ సినిమాలో నా పాత్ర అస్సలు కదలకూడదు, కళ్లు ఆర్పకూడదు. అయితే ఓ సీన్​లో మాత్రం బాగా నవ్వేశాను. దీంతో మామయ్య చిరంజీవి కొంచెం సీరియస్​ అయ్యారు' అని తెలిపాడు.

అలా అరిస్తే చాలు..

'ఇక ఫ్యామిలీకి సంబంధించిన ఫంక్షన్స్​లలో తేజ్​ అంటే అందరు ఒకేసారి తిరిగి చూస్తారా?' అని అడగ్గా.. చిరు మామయ్యా వచ్చి ఒక్కసారి ఒరేయ్​ అని అరిస్తే చాలు.. అందరం అలా వెళ్లిపోతాం అని చెప్పుకొచ్చాడు.

ఏంట్రా ఈ స్టోరీ అనుకున్నాం..

'ఇక ఉప్పెన స్క్రిప్ట్​ మొదటగా ఎవరు విన్నారు' అన్న దానికి ఉప్పెన స్క్రిప్ట్​ ఫస్ట్​ నా ఫ్రెండ్స్​తో విని ఏంట్రా ఈ స్టోరి ఇలా ఉంది అనుకున్నా. ఆ తర్వాత సుకుమార్, మైత్రి మూవీ మేకర్స్​ 'ఈ కథను చిరంజీవి మామయ్యకు వినిపించగా ఐడియా బాగుంది.. సినిమా తీయండి అని ఆయన అన్నారు' అని వైష్ణవ్​ తెలిపాడు.

సుమారు 20కిపైగా టేక్​లు..

అలాగే 'ఉప్పెన సినిమాలో బేబమ్మ నీకో మాట చెప్పాలని అని చెప్పే సీన్​ కోసం ఏడుపు వచ్చింది. ఆ సన్నివేశం కోసం సుమారు 20కిపైగా టేక్​లు తీసుకున్నాను అయినా రావట్లేదు. ఇంతమంది సమయం, డబ్బును వృథా చేస్తున్నాను అని గుర్తుకు రాగానే కన్నీళ్లు వచ్చాయి' అని తెలిపాడు వైష్ణవ్ తేజ్. ఇక బద్రి, తమ్ముడు సినిమాలను దాదాపు 120 సార్లు చూశానని పేర్కొన్నాడు.