వెంకీ, సూర్య మల్టీస్టారర్.. పోలీస్ ఆఫీసర్ పాత్రలో!

విక్టరీ వెంకటేష్ మల్టీస్టారర్ చిత్రాలపై దృష్టి పెట్టాడు. ఈ మధ్య కాలంలో వెంకీ వరుసగా మల్టీస్టారర్ చిత్రాల్లో నటిస్తున్నాడు. వరుణ్ తేజ్ తో ఓ మల్టి స్టారర్ చిత్రం, నాగ చైతన్యతో మరో చిత్రంలో వెంకటేష్ నటిస్తున్నాడు. మరో చిత్రానికి కూడా రంగం సిద్ధం అవుతోంది. ఈ చిత్రంలో వెంకటేష్, తమిళ స్టార్ హీరో సూర్య కలసి నటించబోతున్నట్లు తెలుస్తోంది.

ఇది పూర్తి స్థాయి మల్టి స్టారర్ చిత్రం కాదని అంటున్నారు. సూర్య కేవలం ఈ చిత్రంలో 20 నిమిషాలు కనిపిస్తాడట. ఫ్లాష్ బ్యాక్ లో వచ్చే సన్నివేశాల్లో సూర్య పాత్ర ఉంటుందని సమాచారం. వెంకటేష్ ఈ చిత్రంలో పోలీస్ అధికారిగా నటించనున్నాడు. దీనిపై అధికారిక ప్రకటన రావలసి ఉంది.

ఈ చిత్రాన్ని త్రినాథ్ రావు నక్కిన ఈ చిత్రానికి దర్శకత్వం వహించనున్నట్లు తెలుస్తోంది. వెంకటేష్, వరుణ్ తేజ్ కాంబినేషన్ లో వస్తున్న ఎఫ్2 చిత్రం అనిల్ రావిపూడి దర్శకత్వంలో తెరకెక్కుతోంది. నాగ చైతన్య, వెంకీ కాంబినేషన్ లో రాబోతున్న చిత్రానికి బాబీ దర్శకుడు.