హోమ్

హీరో

విభిన్న చిత్రాలకు కేరాఫ్ అడ్రస్ విజయ్ ఆంటోని. కాన్సెప్ట్ ఓరియెంటెడ్ చిత్రాలతో మంచి గుర్తింపు తెచ్చుకున్న విజయ్.. బిచ్చగాడు సినిమాతో కోలీవుడ్, టాలీవుడ్‌లో అందర్నీ ఆకట్టుకున్నాడు. అయితే మళ్లీ ఆరేంజ్ హిట్ మాత్రం కొట్టలేకపోయాడు. ఎన్ని ప్రయత్నాలు చేసినా మరో సక్సెస్ కొట్టలేకపోయిన విజయ్.. బిచ్చగాడుకు సీక్వెల్ ప్లాన్ చేసినట్టు తెలుస్తోంది.

'నకిలీ', 'డాక్టర్ సలీమ్' చిత్రాలతో అప్పటికే తెలుగు ప్రేక్షకుల‌ను మెప్పించిన విజ‌య్ ఆంటోని 'బిచ్చ‌గాడు'తో ఒక్కసారిగా పాపులర్ అయ్యాడు. అప్పటి నుంచి ప్రతీ సినిమాను డబ్బింగ్ రూపంలో తీసుకొచ్చి తెలుగు ప్రేక్షకులను మెప్పించేందుకు ప్రయత్నిస్తున్నాడు. అయితే ఏ సినిమా కూడా 'బిచ్చగాడు'ను బీట్ చేయలేకపోయింది.

ఈ నెల 24న విజయ్ ఆంటోని పుట్టినరోజు. ఈ సందర్భంగా విజయ్ ఆంటోని కొత్త చిత్రానికి సంబంధించిన ఫస్ట్ లుక్‌ను విడుద‌ల చేస్తున్న‌ట్లు ప్ర‌క‌టించారు. విజ‌య్ ఆంటోని కెరీర్‌లో బిగ్గెస్ట్ బ్లాక్ బ‌స్ట‌ర్ మూవీ సీక్వెల్ అని ప్రకటిండచంతో అది బిచ్చగాడుకి సీక్వెల్ అయి ఉండ‌వ‌చ్చున‌ని అంతా భావిస్తున్నారు. మరి ఆ సీక్వెల్‌తోనైనా విజయ్ ఆంటోని సక్సెస్ ట్రాక్ ఎక్కుతాడో లేడో చూడాలి.