Don't Miss!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- News మండుటెండల్లో నారాయణ విద్యాసంస్థల సిబ్బందికి ఎన్నికల కష్టం!!
- Lifestyle రాత్రిపూట అలర్జీలు పెరుగుతున్నాయా? ఈ నియమాలు పాటిస్తే నిద్ర తేలికగా వస్తుంది
- Sports T20 వరల్డ్ కప్కు భారత తుదిజట్టు ఇదే - సెహ్వాగ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
ఒక్కోసారి కోపం, ఏడుపొస్తుంది: ‘గీత గోవిందం’ లీకులపై విజయ్ దేవరకొండ
'గీత గోవిందం' సినిమా విడుదల ముందే కొన్ని సీన్లు బయటకు లీక్ అవ్వడంపై ఈ చిత్రంలో హీరోగా నటించిన విజయ్ దేవరకొండ తీవ్రంగా స్పందించారు. ఈ మేరకు ఆయన ట్విట్టర్లో తన మనసులోని ఆవేదనను వెల్లగక్కారు. సినిమా పేరును, పైరసీ విషయాన్ని ప్రస్తావించకుండా ఆయన చేసిన వ్యాఖ్యలు తన సినిమా సీన్ల లీక్ గురించే అని స్పష్టమవుతోంది.
'చాలా భాధేసింది, అసంతృప్తికి గురయ్యాను. ఒక్కోసారి కోపం వస్తుంది, ఇంకోసారి ఏడుపొస్తుంది' అని ట్వీట్ చేశారు. ఈ ట్వీట్ ద్వారా విజయ్ దేవరకొండ 'సీన్ల లీక్' ఇష్యూపై ఎంత కోపంగా ఉన్నారో అర్థం చేసుకోవచ్చు.
|
విజయ్ దేవరకొండ ట్వీట్
ఒక సినిమా మన ముందుకు రావడానికి వందల మంది కష్టం, కోట్ల రూపాయల ఖర్చు, కొన్ని నెలల శ్రమ దాగి ఉంటుంది. అంత కష్టపడి తీసిన సినిమాను అక్రమంగా దొంగిలించి లీక్ చేస్తే.... ఇన్నాళ్లు కష్టపడ్డవారు ఎలా రియాక్ట్ అవుతారో విజయ్ ట్వీట్ ద్వారా అర్థం చేసుకోవచ్చు.
ఇండస్ట్రీలో అలర్ట్
ఈ విషయాన్ని చిత్ర నిర్మాతలు అల్లు అరవింద్, బన్నీ వాసు చాలా సీరియస్గా తీసుకున్నారు. సినిమా ఎడిటింగ్ రూమ్ నుండే సీన్లు లీక్ కావడంతో ఇండస్ట్రీలో సైతం ఈ విషయం హాట్ టాపిక్ అయింది. ఇతర సినిమాల ఎడిటింగ్ టీమ్లను సైతం అలర్ట్ చేశారు.
చాలా కాలం తర్వాత మళ్లీ...
గతంలో ‘అత్తారింటికి దారేది' సినిమా విషయంలో ఇలాంటి లీకులే జరిగాయి. చాలా కాలం తర్వాత ఎడిటింగ్ రూమ్ నుండి ఇలాంటి వ్యవహారం వెలుగు చూడటంతో ఇతర ప్రొడక్షన్ సంస్థలు కూడా ఈ విషయంలో మళ్లీ సీరియస్గా ఫోకస్ పెట్టాయి.
ఆగస్టు 15న విడుదల
అయితే కొన్ని సీన్లు మాత్రమే లీక్ కావడంతో... ఈ ప్రభావం సినిమాపై ఉండక పోవచ్చని అంటున్నారు. పరుశురాం దర్శకత్వంలో తెరకెక్కుతున్న చిత్రం " గీత గోవిందం". బన్నీవాసు నిర్మాణంలో ప్రముఖ నిర్మాత శ్రీ అల్లు అరవింద్ సమర్పణలో జీఏ2 పిక్చర్స్ బ్యానర్లో ఈ చిత్రాన్నినిర్మిస్తున్నారు. ఈ చిత్రానికి గోపి సుందర్ సంగీతం. ఆగస్టు 15న సినిమా విడుదల కానుంది.