హాస్పిటల్‌ చేరిన విజయ్ దేవరకొండ.. ఏం జరిగిందంటే.. డియర్ కామ్రేడ్ క్లారిటీ

మండుటెండల్లో షూటింగ్ వల్ల

విజయ్ దేవరకొండ ఆస్పత్రిలో చేరడంపై మీడియా వెల్లడించిన కథనాల ప్రకారం.. డియర్ కామ్రేడ్ సినిమా షూటింగ్ కారణంగా క్షణం తీరిక లేకుండా పనిలో మునిగిపోయాడు. దాంతో ఆయన తీవ్రమైన జ్వరంతో బాధపడుతుంటడంతో హాస్పిటల్‌లో చేరాడు. వేసవి మండుటెండల్లో షూటింగ్ చేయడంతో అనారోగ్యానికి లోనయ్యాడు అని పేర్కొన్నారు.

రాత్రింబవళ్లు షూటింగ్‌తో

తాను అనారోగ్యానికి గురికావడంపై వచ్చిన వార్తలపై ప్రముఖ మీడియా సంస్థతో మాట్లాడుతూ.. హోళికి ముందు రోజు ఉదయం 6 గంటల వరకు షూటింగ్‌లో పాల్గొన్నాను. దాంతో నిద్ర లేకపోవడం, కొంత పని ఒత్తిడి ప్రభావం మీద పడింది. ఎందుకైనా మంచిదని నేను హాస్పిటల్‌కు వెళ్లి ట్రీట్‌మెంట్ తీసుకొన్నాను అని విజయ్ దేవరకొండ వెల్లడించినట్టు కథనంలో పేర్కొన్నారు.

రష్మిక మందన్నతో కలిసి మరోసారి

గీత గోవిందం ఫేమ్ రష్మిక మందన్నతో విజయ్ దేవరకొండ కలిసి నటిస్తున్న డియర్ కామ్రేడ్ చిత్రం విడుదలకు ముస్తాబవుతున్నది. ఈ చిత్రానికి పెట్టిన ఫైట్ ఫర్ వాట్ యూ లవ్ అనే ఉప శీర్షిక ఆసక్తిని రేపుతున్నది. ఇటీవల రిలీజ్ చేసిన టీజర్ సోషల్ మీడియాలో అత్యధికంగా ట్రెండ్ అవుతున్న వాటిలో ఒకటిగా నిలిచింది. టీజర్లో ముద్దుపై సోషల్ మీడియాలో విపరీతంగా ట్రోలింగ్ జరుగుతున్నది.

బాలీవుడ్ ఇమ్రాన్ హష్మీ అంటూ

విజయ్ దేవరకొండ ముద్దు సీన్లలో మునిగి తేలడంపై నెటిజన్లు విపరీతంగా ట్రోల్ చేస్తున్నారు. గతేడాది అత్యధికంగా సంపాదించిన హీరోల్లో ఒకడిగా మారి ఫోర్బ్స్ జాబితాలో నిలిచిన విజయ్ దేవరకొండ‌ను రకరకాల కామెంట్లతో విరుచుకుపడుతున్నారు. ముద్దు సీన్లలో బాలీవుడ్ హీరో ఇమ్రాన్ హష్మిని మించిపోతున్నాడని నెటిజన్లు కామెంట్లు చేయడం గమనార్హం.