బర్త్ డే స్పెషల్: చియాన్ విక్రమ్ కిరాక్ లుక్, మేకింగ్ వీడియో కేక!

విక్రమ్ లుక్

ఈ చిత్రంలో విక్రమ్ కెకె అనే పాత్రలో కనిపించబోతున్నారు. విక్రమ్ కెరీర్లోనే ఒక విభిన్నమైన యాక్షన్ మూవీ అవుతుందని చిత్ర బృందం చెబుతోంది. అయితే ఈచిత్రంలో విక్రమ్ ఎలాంటి పాత్ర పోషిస్తున్నారనే విషయాలు బయటకు రాలేదు.

ఫిదా అవుతున్న ఫ్యాన్స్

తాజాగా రిలీజ్ చేసిన చియాన్ లుక్ మేకింగ్ వీడియో అభిమానులను ఆకట్టుకుంటోంది. ఇప్పటి వరకు ఏ సినిమాలోనూ కనిపించనంత స్టైలిష్‌గా డిఫరెంట్ మేకోవర్‌తో విక్రమ్ ఎంట్రీ ఉండబోతోంది. అతడి న్యూ లుక్ చూసి ఫ్యాన్స్ ఫిదా అవుతున్నారు.

కడరమ్ కొండన్

‘కడరమ్ కొండన్' చిత్రాన్ని ఎక్కువగా మలేషియాలో చిత్రీకరించారు. ఇందులో ఇంకా అక్షర హాసన్, పూజా కుమార్ ముఖ్యమైన పాత్రల్లో నటిస్తున్నారు. రాజ్ కమల్ ప్రొడక్షన్స్ వారు నిర్మిస్తున్న 45వ సినిమా ఇది. గిబ్రాన్ సంగీతం అందిస్తున్నారు. తమిళంతో పాటు తెలుగులో కూడా విడుదల చేసేందుకు ప్లాన్ చేస్తున్నారు.

విక్రమ్ నెక్ట్స్ మూవీ

ఈ సినిమా పూర్తయిన తర్వాత విక్రమ్ తన నెక్ట్స్ మూవీ ‘మహావీర్ కర్ణ' చిత్రంలో బిజీ కాబోతున్నారు. ఈ మూవీని రూ. 300 కోట్ల భారీ బడ్జెట్‌తో నిర్మిస్తున్నారు. దర్వకుడు ఆర్ఎస్ విమల్ ఈ పీరియడ్ డ్రామాను హ్యాండిల్ చేస్తున్నారు.