హోమ్

హీరో

తెలుగు మూలాలు ఉన్న విశాల్ ఓ తమిళ హీరోనే అయినా.. టాలీవుడ్‌లోనూ సరిసమాన ఫాలోయింగ్‌ను సంపాదించుకున్నాడు. విభిన్నకథకథనాలకు ప్రాముఖ్యతనిచ్చే విశాల్.. మరో ప్రయోగంతో ప్రేక్షకులను పలకరించేందుకు రెడీ అవుతున్నాడు. ఇప్పటికే తుప్పరివాలన్ (డిటెక్టివ్), అభిమన్యు (ఇరుంబుదురై), అయోగ్య, పందెంకోడి 2 వంటి చిత్రాలతో బ్యాక్ టు బ్యాక్ బ్లాక్ బస్టర్ చిత్రాలను అందించాడు.

ప్రస్తుతం విశాల్ చేయబోయే ప్రాజెక్ట్‌లపైన అంచనాలు ఓ రేంజ్‌లో ఉన్నాయి. అంతేకాకుండా దర్శకుడు మిస్కిన్‌తో జరిగిన గొడవ, డిటెక్టివ్ 2 చిత్రం నుంచి ఆయన్ను తప్పించడం అప్పట్లో పెను సంచలనాన్ని సృష్టించింది. నిర్మాత, దర్శకుల మధ్య వచ్చే ఇగోలు, బడ్జెట్ పరిమితుల వల్ల విశాల్, మిస్కిన్‌లకు దూరం పెరిగింది. దీంతో మిస్కిన్‌ను ప్రాజెక్ట్నుంచి తప్పించడం, దర్శకత్వ బాధ్యతలను విశాల్ చేపట్టడం జరగిన సంగతి తెలిసిందే.

విశాల్ ఆ సినిమా బాధ్యతలతో పాటు మరో ప్రాజెక్ట్‌ను రెడీ చేస్తున్నాడు. ఎంఎస్ ఆనందన్ అనే దర్శకుడితో చక్ర అనే కొత్త సినిమాను చేస్తున్నాడు. దానికి సంబంధిచిన ఫస్ట్ లుక్‌ను తాజాగా విడుదల చేశారు. నేటి సాయంత్రం ఐదు గంటలకు ట్రైలర్ గ్లింప్సస్‌ను వదులుతున్నట్టు తెలిపారు. విశాల్ ఫిల్మ్ ఫ్యాక్టరీపై నిర్మిస్తున్న ఈ చిత్రంలో రెజీనా, శ్రద్దా శ్రీనాథ్ హీరోయిన్లుగా నటిస్తున్నారు. యువన్ శంకర్ రాజా సంగీతాన్ని సమకూరుస్తున్నాడు.