నిజం ఒప్పుకున్న విశాల్... ఆమెతో పెళ్లి గురించి అఫీషియల్ ప్రకటన!

నిజం ఒప్పుకున్న విశాల్, పెళ్లి విషయం ట్విట్టర్ ద్వారా...

నిన్న మొన్నటి వరకు తన పెళ్లి వార్తలను ఖండిస్తూ వచ్చిన విశాల్ ఎట్టకేలకు అసలు విషయం ఒప్పుకున్నారు. తన జీవితంలో కొత్త అధ్యాయాన్ని ప్రారంభించబోతున్నట్లు తెలిపారు. అనీషా తన లైఫ్‌లోకి రావడం పట్ల హ్యాపీగా ఉన్నట్లు వెల్లడించారు. ఇంకా డేట్ ఫిక్స్ కాలేదని, త్వరలో ప్రకటిస్తామన్నారు.

విశాల్ గురించి అనీషా

విశాల్‌ను పెళ్లాడబోతున్నట్లు ఇన్‌స్టాగ్రామ్ ద్వారా వెల్లడించిన అనీషా రెడ్డి... ‘విశాల్ రూపంలో తనకు మంచి జీవిత భాగస్వామి దొరికాడని, అతడి మంచి మనసు ఎంతో నచ్చిందని, విశాల్ జీవితంలోకి ప్రవేశించిన తర్వాత ఆయన్ను సంతోషంగా ఉంచడానికి ప్రయత్నిస్తాను' అని వ్యాఖ్యానించారు.

అర్జున్ రెడ్డి మూవీ నటితో.... విశాల్ వివాహం, అనీషా రెడ్డి ఇన్‌స్టా పోస్ట్ హాట్ టాపిక్!

రెండు మూడు నెలల్లో నిశ్చితార్థం, పెళ్లి

ఈ సంవత్సరమే వీరి పెళ్లి జరుగుతుందని విశాల్ తండ్రి జిరె రెడ్డి తెలిపారు. త్వరలోనే ఎంగేజ్మెంట్ డేట్ ప్రకటించనున్నారు. ఎంగేజ్మెంట్ తర్వాత పెళ్లి డేట్ విషయంలో ఓ క్లారిటీ వచ్చే అవకాశం ఉంది. అనీషా రెడ్డి హైదరాబాద్‌లోని బిజినెస్ ఫ్యామిలీకి చెందిన వ్యక్తి కావడంతో ఇక్కడే వివాహం జరిగే అవకాశం ఉంది.

ఆమె కూడా సినిమా రంగంలో...

అనీషా రెడ్డి... విజయ్ దేవరకొండ హీరోగా వచ్చిన ‘పెళ్లి చూపులు', ‘అర్జున్ రెడ్డి' చిత్రాల్లో నటించింది. సినిమా రంగానికి చెంది అమ్మాయి కావడంతో తనను అర్థం చేసుకుంటుందనే నమ్మకంతో ఉన్నారట విశాల్. ప్రస్తుతం విశాల్ ‘అయోగ్య' అనే చిత్రంలో నటిస్తున్నారు.