Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
షూటింగ్ కోసం బయల్దేరింది.. ఆ కష్టాలను స్వయంగా అనుభవించిన మీనా!
ప్రస్తుతం అన్ని భాషల చిత్ర పరిశ్రమల్లో షూటింగ్లు ప్రారంభించేశారు. అన్ని భాషల్లోని స్టార్ హీరోలు చిన్నా పెద్దా అని తేడా లేకుండా.. అందరూ షూటింగ్లు ప్రారంభించేశారు. అయితే మన టాలీవుడ్లో మాత్రం పెద్ద హీరోలెవ్వరూ ఇంకా గడపదాటడం లేదు. చిన్న, మీడియం రేంజ్ బడ్జెట్ చిత్రాలు షూటింగ్లు ప్రారంభించేశారు. అయితే తాజాగా మీనా కూడా షూటింగ్లో పాల్గొనేందుకు రెడీ అవుతోంది.
ఈ మేరకు మీనా చెన్నై నుంచి కేరళకు బయల్దేరింది. ఈ క్రమంలోనే మీనా పీపీఈ కిట్ ధరించింది. ఇక దాన్ని ధరించడం వల్ల అనుభవించిన బాధలను వివరించింది. 'ఏదో స్పేస్కు వెళ్తోన్నట్టు కనిపిస్తున్నాను. కానీ నేను ఓ యుద్దాన్ని చేయడానికి వెళ్తున్నట్టు అనిపిస్తోంది. దాదాపు ఏడు నెలల తరువాత బయటకు వచ్చాను.. ఈ ఏయిర్ పోర్ట్ను ఇలా కామ్గా చూడటం ఆశ్చర్యంగా ఉంది. నాలా చాలా మంది డ్రెస్ ధరించలేదు... అది నాకు మరింత ఆశ్చర్యాన్ని కలిగించింది.
పీపీఈ కిట్ ధరించడం కంఫర్ట్గానే ఉండదు. ఎంతో వేడిగా ఉంటుంది.. ఏసీ ఉన్నా గానీ లోపల మాత్రం చెమట పడుతుంది. ఈ గ్లౌవ్స్ ఉండటంతో కనీసం మన మొహాన్ని మన చేతులతో తుడుచుకోలేం. రోజంతా ఈ పీపీఈ కిట్లను ధరించి మనకు సేవ చేసే వైద్య బృందానికి హ్యాట్సాప్. వీటిని ధరించడం ఎంత అసౌకర్యంగా ఉన్నా కూడా వారు మనం కోసం, మన ఆరోగ్యాల కోసం ఆలోచిస్తుంటారు. మనల్ని జాగ్రత్తగా చూసుకుంటారు.. వారికి చేతులెత్తి మొక్కాల్సిందే. మీ నిస్వార్థ సేవకు ధన్యవాదాలు' అని మీనా పేర్కొంది. ఈ మధ్యే దృశ్యం 2 ప్రారంభమైంది. మోహన్ లాల్తో ఆల్రెడీ షూటింగ్ ప్రారంభించేశారు. అందుకే మీనా అన్ని జాగ్రత్తలు తీసుకుని షూటింగ్లో పాల్గొనేందుకు ఫ్లైట్లో కేరళకు వెళ్లింది.