రాధిక ఆప్టే తొడపై టాటూ... చాలా మందికి తెలియని రహస్యం!

‘బి’ టాటూ వెనక రహస్యం ఇదే..

రాధిక తన తొడపై వేయించుకున్న ‘బి' టాటూ వెనక రహస్యం ఆమె భర్త బెనడిక్ట్ టేలర్. అతడి గుర్తుగా ఆమె ఈ పచ్చబొట్టు పొడిపించుకున్నారు. ఇది ఎక్స్ ఫోజ్ అయ్యేలా డ్రెస్ డిజైన్ చేయడంతో ఆమె రెడ్ కార్పెట్ అప్పియరెన్స్ ఇస్తుంటే అందరి దృష్టి అటు వైపు మళ్లింది.

రాధిక-బెనడిక్ట్ ప్రేమ వివాహం

లండన్‌కు చెందిన మ్యూజీషియన్ బెనడిక్ట్ టేలర్‌తో రాధిక ఆప్టే వివాహం 2012లో జరిగింది. అయిత చాలా కాలం వరకు ఈ విషయం రహస్యంగానే ఉంచారు. రాధిక ఇండియాలో ఉంటూ తన సినిమా కెరీర్ కొనసాగిస్తున్నప్పటికీ... ప్రతి నెలలో ఇద్దరూ కొన్ని రోజులు తప్పకుండా కలిసి గడుపుతారట. ఇటు వృత్తి, అటు పర్సనల్ లైఫ్ బ్యాలెన్స్ చేస్తూ జీవితం సాగిస్తున్నారు.

అలా ఇద్దరి మధ్య పరిచయం

2011లో రాధిక ఆప్టే డ్యాన్స్ నేర్చుకోవడానికి లండన్‌కు వెళ్లింది. ఆ సందర్భంగా ఆమెకు టేలర్‌తో పరిచయం అయింది. ఆ పరిచయం ప్రేమగా మారి ఆ తర్వాత పెళ్లికి దారి తీసింది. ఇద్దరూ ఒక కమిట్మెంటుతో పెళ్లి చేసుకుని వృత్తి పరంగా ఎవరి కెరీర్ వారు కొనసాగిస్తున్నారు.

ఇప్పటికీ చాలా మందికి తెలియదు

ఇప్పటికీ చాలా మందికి రాధిక ఆప్టేకు పెళ్లయిందనే విషయం తెలియదు. ఎందుకంటే ఆమె పెళ్లి జరినట్లు ఎలాంటి ఫోటోలు ఇప్పటి వరకు బయటకు విడుదల కాలేదు. 2012లో వీరు రిజిస్టర్ మ్యారేజ్ చేసుకోవడమే ఇందుకు కారణం. ఇద్దరూ కలిసి కనిపించిన సందర్బాలు కూడా చాలా తక్కువ.