మహేష్ స్కిన్ అంటే అంత ఇష్టం.. కొంచెం కనిపించినా జూమ్ చేసి మరీ చూసేస్తా: సాయి పల్లవి

వరుస ఇంటర్వ్యూలతో బిజీగా..

చాలా కాలం తరువాత వరుస ఇంటర్వ్యూలతో బిజీగా మారుతున్న ఫిదా బ్యూటీ నెక్స్ట్ తన నుంచి రాబోతున్న సినిమాలకు కూడా మంచి బజ్ క్రియేట్ చేస్తోంది. ఇక తనకు ఇష్టమైన లైఫ్ గురించి ఎన్నో ఆసక్తికరమైన విషయాలను చెబుతూనే మీటూ పై కూడా వివరణ ఇవ్వడం ఇటీవల వైరల్ అయ్యింది.

లిప్ లాక్ సీన్.. మీటూ ఎఫెక్ట్

ఒక దర్శకుడు లిప్ లాక్ సీన్ లో నటించమని అడిగితే వెంటనే నో చెప్పేసిందట. అయితే అప్పటికి షూటింగ్ కు సగం పూర్తవ్వడంతో సడన్ గా దర్శకుడు ఒత్తిడి పెంచాడట. అయితే హీరో కలుగజేసుకొని ఆమెకు ఇష్టం లేనిదే ఇబ్బంది పెట్టవద్దని, మళ్ళీ మీటూ అంటే ఇబ్బంది పడాల్సి వస్తుందని చెప్పడంతో గొడవకు ఎండ్ కార్డ్ పడినట్లు వివరణ ఇచ్చింది.

మహేష్ ఎప్పుడైనా అలానే కనిపిస్తాడు

ఇక అదే ఇంటర్వ్యూలో మహేష్ బాబు గురించి మాట్లాడిన సాయి పల్లవి మహేష్ బాబు గురించి ఇంట్రెస్టింగ్ కామెంట్స్ చేసింది. మహేష్ బాబు అంటే తనకు చాలా ఇష్టం అంటూ ఆయన అందానికి ఎప్పుడో ఫిదా అయ్యానని తెలిపింది. ముఖ్యంగా మహేష్ స్కిన్ టోన్ ఎలాంటి సందర్భంలో అయినా మెరిసిపోతుందని తెలిపింది.

ఒక మనిషి ఇంత పర్ఫెక్ట్ గా ఎలా ఉంటాడు

ఒక మనిషి ఇంత పర్ఫెక్ట్ గా ఎలా ఉంటాడు అని ఆశ్చర్యపోతుంటాను. మహేష్ ఫొటోలను చాలా వరకు నేను జూమ్ చేసి మరీ చూస్తుంటాను. అప్పుడు ఆయన ముఖం మీద ఒక్క మచ్చ కూడా కనిపించదు. ఎంతో బావుంటారు. అందుకే ఆశ్చర్యపోతాను అంటూ సాయి పల్లవి క్లారిటీగా వివరణ ఇచ్చింది.

యాడ్స్ అందుకే చేయడం లేదు

ఇక యాడ్స్ కు సంబంధించిన ఆఫర్స్ ఎన్ని వచ్చినా కూడా రిజెక్ట్ చేసే సాయి పల్లవి అందుకు గల కారణాన్ని కూడా వివరణ ఇచ్చింది. ఒక బ్యూటీ ప్రాడక్ట్ యాడ్ కోసం 2కోట్ల వరకు ఆఫర్ చేసినా కూడా ఫిదా బ్యూటీ ఒప్పుకోలేదట. అందుకు కారణం ఒక మనిషి అందం అవి వాడితే మారుతుందని నేను నమ్మించలేను. నన్ను ప్రేరణగా తీసుకోని మరొకరు అలాంటి ఫాలో అవ్వడం నాకు నచ్చదు. ఒకరకంగా అది మోసమే అని డైరెక్ట్ గా క్లారిటీ ఇచ్చేసింది సాయి పల్లవి.