సినిమాలు లేకున్నా ఆదాయం పెరిగింది: ఆర్జీవీ హీరోయిన్‌కు కోట్లలో ఆస్తులు, వివరాలు ఇవే!

ఆస్తుల వివరాలు ప్రకటించిన ఊర్మిళా

ఎన్నికల సమయంలో పోటీ చేసే అభ్యర్థులు ఆస్తుల వివరాలు వెల్లించాల్సి ఉంటుంది. ఈ నేపథ్యంలో ఊర్మిళా మండోద్కర్ తన ఆస్తుల వివరాలు వెల్లడించింది. తనకు రూ. 68.2 కోట్ల విలువగల ఆస్తులు ఉన్నాయని, ఎలాంటి కేసులు లేకుండా క్లీన్ ఇమేజ్ ఉందని తెలిపింది.

అప్పటితో పోలిస్తే ఇపుడు ఆదాయం పెరిగింది

ఆమె ఎన్నికల అఫిడవిట్లో పేర్కొన్నా వివరాలు ప్రకారం... ఆమె ఆదాయం 2013-14లో రూ. 1.27 కోట్లు ఉంటే... 2017-18లో ఆదాయం రూ. 2.85 కోట్లకు చేరి రెట్టింపు అయింది. 2014 తర్వాత సినిమాలకు దూరమైన ఆమె 2018లో ‘బ్లాక్ మెయిల్' అనే చిత్రంలో స్పెషల్ సాంగ్ మాత్రమే చేయడం గమనార్హం.

ఊర్మిళా ఆస్తులు, అప్పులు ఇవే..

తనకు మొత్తం చరాస్తులు రూ. 40.93 కోట్లు, స్థిరాస్తులు రూ. 27.34 కోట్లు కలిగిన ఉన్నట్లు వెల్లడించారు. దీంతో పాటు రూ. రూ. 32 లక్షల అప్పు కూడా ఉన్నట్లు ఊర్మిళా మండోద్కర్ తన ఎన్నికల అఫిడవిట్‌లో పేర్కొన్నారు. బ్యాంక్ డిపాజిట్స్, నగదు, వాహనాలు, పెట్టుబడులు, ప్రాపర్టీలు అన్నీ కలిపి ఇంత మొత్తం ఉన్నట్లు తెలిపారు.

భర్త ఆస్తుల వివరాలు

తన భర్త ఎం.ఎ మీర్ మొత్తం రూ. 62.35 లక్షల ఆస్తులు కలిగి ఉన్నాడని... అందులో చరాస్థులు రూ. 32,35,752.53, స్థిరాస్తులు రూ. 30,00,000 ఉ న్నట్లు పేర్కొన్నారు. ముంబై నార్త్ నియోజకవర్గానికి 4వ దశలో ఏప్రిల్ 29న పోలింగ్ జరుగనుంది.