‘బిగ్ బాస్’ ఇంట్లో సైతం డ్రగ్స్ వాడాడు, నన్నూ తీసుకోమన్నాడు....

బిగ్ బాస్ ఇంట్లో కూడా...

బిగ్ బాస్ ఇంట్లో ఉన్న సమయంలో కూడా అతడు డ్రగ్స్ వాడాడు. ఆ సమయంలో హౌస్‌లో నా బర్త్ డే సెలబ్రేషన్స్ జరిగినపుడు నన్ను కూడా తీసుకోమని అడిగాడు అంటూ సోఫియా హయత్ వెల్లడించారు. ఆ సమయంలో అతడు రెగ్యులర్‌గా డ్రగ్స్ తీసుకునే వాడని ఆమె వ్యాఖ్యానించాడు.

వింతగా ప్రవర్తించేవాడు

డ్రగ్స్ తీసుకున్న సమయంలో అతడు వింతగా ప్రవర్తించేవాడని, అపుడు బిగ్ బాస్ ఇంటి సభ్యులంతా అతడు ఫన్నీగా వ్యవహరిస్తున్నాడని భావించేవారు అని సోఫియా గుర్తు చేసుకున్నారు.

అక్కడ డ్రగ్స్ అనుమతి లేదు, కానీ...

బిగ్ బాస్ ఇంట్లోకి డ్రగ్స్ అనుమతించరు. కానీ అతడు తెలివిగా తన బాడీ బిల్డింగ్ సప్లిమెంట్స్ బాక్సులో దాచి తీసుకొచ్చేవాడు అని సోఫియా వెల్లడించారు. గతంలో తనను కూడా డ్రగ్స్ తీసుకోవాలని బలవంతం చేశాడు, ఇండీసెంటుగా ప్రవర్తించాడని ఆమె ఆరోపించారు.

ఎప్పటికైనా దొరుకుతాడని తెలుసు

అతడు డ్రగ్స్ కేసులో అరెస్టయ్యాడని తెలిసింది. అయితే ఈ విషయం తెలిసి నేను ఆశ్చర్యపోలేదు. బిగ్ బాస్ 7 షోకు ముందు అతడిని మారియట్ హోటల్‌లో కలిశాను. ఆ సమయంలో నాపై ఒత్తిడి తెచ్చాడు. నేను నీ రూముకు వస్తే నువ్వు పరవశం పొందేలా చేస్తాను అని చెప్పాడని, ఆ తర్వాత మీడియా ముందు హెల్ప్ చేసే వ్యక్తిలా ఫోజు కొట్టాడని ఆరోపించారు.

ఎజాజ్ ఖాన్ అరెస్ట్

ఓ హోటల్‌లో టీవీ నటుడు ఏజాజ్ ఖాన్ లక్షరూపాయల విలువ గల డ్రగ్స్‌తో ఉన్నాడని అందిన సమాచారం మేర పోలీసులు అతడిపై ఆకస్మిక దాడి చేయగా 8 డ్రగ్స్ టాబ్లెట్లు దొరికాయి. ఈ మేరకు అతడిపై పోలీసులు కేసు నమోదు చేశారు.

నన్ను ఇరికించారు

అయితే తాను స్నేహితులను కలిసేందుకు హోటల్ కు వెళ్లగా లాబీలో ఇద్దరు బాలికలు కలిసి తన వద్ద ఆటోగ్రాఫ్ తీసుకొని ఓ ప్యాకెట్ ను బహుమతిగా ఇచ్చారని, అందులో డ్రగ్స్ ఉన్నట్లు తనకు తెలియదని, తనను డ్రగ్స్ కేసులో ఇరికించేందుకే బాలికలు వాటిని ఇచ్చారని ఎజాజ్ ఖాన్ ఆరోపించారు.